力臻Lagchun加入Green Music首度出新歌 全新曲風不忘滲入Citypop元素

力臻 Lagchun 為拍MV騷肌，捱餓拍攝

一直鍾情Citypop的力臻Lagchun，在加入Sony Music旗下全新音樂品牌Green Music後作出新嘗試，以全新曲風，與二人男子組合Chinky Eyes（CE）首度合作Up Beat新歌〈跳跳虎〉，但他仍不忘在音樂中滲入Citypop元素，而為了拍攝MV的騷肌場面，他不惜全日捱餓拍攝，務求以最佳狀態示人。

力臻 與二人男子組合Chinky Eyes（CE）首度合作Up Beat新歌〈跳跳虎〉

相關影片可以按以下畫面觀看：

影片連結： www.youtube.com/embed/MO-hzI2vEZ8

從表面理解，〈跳跳虎〉由歌名到編曲，都令人想跟著音樂跳彈，但力臻 Lagchun 想表達更深一層的意義。力臻 Lagchun 道：「呢首歌係回應出道歌〈都市爬行〉，嗰首係講我哋慢慢向上爬，但而家嘅我工作愈嚟愈忙，返學讀書、放學去做音樂，感覺就似由一個地方彈去另一個地方，要好急速去處理所有嘅事情，往往會忽略咗人生樂趣，〈跳跳虎〉就係提醒自己同埋聽眾，就算你嘅生活幾繁忙，要記得返人生嘅樂趣，甚至乎係享受彈嚟彈去，活喺好繁忙嘅過程入面，歌詞裡面最後一句：『玩還玩，彈還彈，人生放慢腳步，記住慢慢嘆』，就係想講呢樣嘢。」

跳跳虎由歌名到編曲，都令人想跟著音樂跳彈，但力臻 Lagchun 想表達更深一層的意義

今次力臻 Lagchun 跟CE作出全新曲風新嘗試，但他仍念念不忘他至愛的Citypop，所以中段加插了Citypop裡最常見的Retro Funk元素，除此之外，留心細聽，編曲上都混入了紅綠燈訊號、電車、敲打不同物質的聲音在內，力臻 Lagchun 解釋：「Citypop嘅音樂大多滲透生活日常，所以除咗歌詞內容好反映到而家我哋忙碌嘅生活節奏外，我亦將一啲喺呢個城市聽到嘅聲音，放喺呢首歌入面。」

將一啲喺呢個城市聽到嘅聲音，放喺呢首歌入面

Chinky Eyes ：「我哋都覺得，唔同嘅音樂人都有自己唔同嘅音樂節奏，但當唔同嘅節奏撞埋一齊嘅時候，有時佢哋會好融合，有時又會全部彈開晒，呢首歌就係有呢種瘋癲嘅感覺，癲完之後細心睇吓啲歌詞，你以為佢只係幽默，但又有一啲人生哲理俾大家㗳吓。所以我哋就諗，呢種節奏幾反映到力臻Lagchun嘅常生活吖，呢秒係歌手，下一秒又會係數學老師，教完書放學後又返去大學做返個學生，你話邊個夠佢亂吖。」

與二人男子組合Chinky Eyes（CE）首度合作Up Beat新歌〈跳跳虎〉

過去力臻 Lagchun 拍攝的MV橋段都十分搞鬼，今次亦不例外，為了配合歌名與曲風，他不但一身虎紋Look造型示人，他甚至與CE一齊落力跳唱，不過力臻 Lagchun 謙稱這些只是簡單的Dance Move，而MV中力臻亦毫不吝嗇一騷他那大隻身形，他更為此捱餓拍攝，他說：「導演一早已同我講有啲著少啲衫嘅Shot，所以拍攝當日我全日都冇食嘢，但到唔著衫嘅Shot又放到最尾先拍，所以我到後來已經跳到冇晒力，超級攰，好彩出到嚟效果都靚，值得咁辛苦。」

力臻亦毫不吝嗇一騷他那大隻身形，他更為此捱餓拍攝

譚旻萱以掃把作武器，以一敵三，成功救走陳昊森。

由寰亞電影出品、寰亞電影及洲立影片聯合發行、葉念琛身兼監製、導演、編劇全新浪漫愛情作品《不是你不愛你》，早前在尖東拍攝一場男主角「家偉」陳昊森為救「子欣」林熙彤（Hazel），慘遭其偷食男友「細威」力臻與流氓圍毆抱頭躺地，狀甚痛苦，幸好「阿寶」譚旻萱（Mandy）及時趕到，用掃把以一敵三，成功解圍。

力臻偷食譚凱倫，被正印Hazel意外撞破。

Hazel掌摑Helen！

場面相當混亂！

兩女動口兼動手。

力臻與譚凱倫（Helen）客串演出《不是你不愛你》，他們大叫好玩。拍攝結束Helen還未抽離到角色，不斷稱呼戲中男友力臻做「BB」，還展示她送給對方的唇膏印，笑說：「我哋都有激烈場面架！」提到剛才毒打陳昊森，力臻坦言場面相當混亂，說：「其實我有啲『食花生』，雖然我係大佬，但有啲笠水，主要係睇住啲手下出手。反而被Mandy用掃把打比較深刻，笑指對方太斯文，不敢太過用力，我叫佢出力啦！」原本站在遠處的Mandy立即衝過來，忍不住插嘴：「佢哋（副導演）仲叫我大力啲K落去，我心諗真係會K爆頭，明明已經好痛。」Helen表示混亂中亦被掃把打中。Helen問Mandy如果她遇到戲中情節，撞破男友偷食會點做？Mandy想也不想直接說：「分手！」

陳昊森為救Hazel，慘遭力臻與流氓圍毆抱頭躺地。

陳昊森抱頭躺地，狀甚痛苦。

幸好譚旻萱及時趕到，用掃把以一敵三。

Mandy用身旁的手推車衝去解圍，並以掃把作武器。

成功救走陳昊森。

這場戲，力臻和Helen當街錫錫，被正印Hazel意外撞破，兩女動口兼動手，Hazel掌摑Helen，反被男友力臻兩名手下強行捉住，幸好男女主角Mandy和陳昊森出現營救，Mandy保護Hazel上車離開。期間陳昊森報警，被力臻發現立即搶走其手機，並命令兩位身形魁梧的手下狂打陳昊森發洩，Mandy折返，見狀用身旁的手推車衝去解圍，並以掃把作武器，以一敵三，成功救走陳昊森。

Mandy拖著陳昊森逃跑。

兩人跑過公園又跑上天橋，幾乎跑勻成個尖東！

拍攝前各人都認真聽從武術指導的安排，試位和排練，雖然以鏡頭角度遷就，沒有真正打到陳昊森身上，但他亦戴好保護用墊，有備無患。因為是圍毆又用腳踢，為免混亂中誤傷陳昊森，力臻和戲中的大隻仔手下都顯得有點留力，效果不夠狠。之後他們嘗試不同打鬥動作，陳昊森亦叫大家放膽，即使真的打到他亦有保護，無須擔心，結果順利完成。

之後拍攝繼續，Mandy拖著陳昊森逃跑，為避開力臻等人追捕，跑過公園又跑上天橋，幾乎跑勻成個尖東，來回十幾次，男女主角用汗水換來這場患難見真情的浪漫場面。

患難見真情。