等車港女見巴士埋站後無即時開門,上車後質問車長,對方指因見她「無遞手」,二人遂發生口角,事後港女將事件po網公審,反遭網民圍插。
港女巴士站等車 車長埋站不開門
該港女於facebook群組「突發馬路車cam大全」發文,表示日前在城巴巴士站等車時,雖已站在巴士排隊線的位置上,且有稍微伸手示意,但巴士司機埋站後卻不打開車門讓她上車。隨後,她見司機遲遲未開門,於是把手再伸直一點,這時司機才開門上客。
![(FB影片截圖)](https://image.bastillepost.com/544x/wp-content/uploads/hongkong/2024/05/20240522_CR_source-web_bus.jpeg.webp)
(FB影片截圖)
港女被車長指「無遞手」 二人發生口角互罵「垃圾」
上車後樓主非常氣憤,與司機發生口角,影片中她質問司機「巴士站等車唔開門,就話我唔遞手所以就唔開門,啱唔啱呀?」司機回應「可以咁講,你唔遞手點知你咩事呀」。事主反駁道「咁唔使喺巴士站啦,遞手就可以截車㗎啦巴士,你咁搞笑嘅你」。司機又話「你可以搭的士」,港女回應「我係要搭的士咩,企喺巴士站等的士咩」。司機細聲話她「垃圾」,樓主則立即反擊「你咪垃圾囉,話我垃圾。」
樓主在帖文中不滿表示「同緊佢講野架,不過依家先知等巴士要伸到隻手出曬嚟,直一直先可以,要求巴士司機到站只係落客,唔開上客門?」
![(FB影片截圖)](https://image.bastillepost.com/530x/wp-content/uploads/hongkong/2024/05/20240522_CR_source-web_bus2.jpeg.webp)
(FB影片截圖)
網民撐車長:小學已知搭車遞手示意
帖文引熱議,不少網民力撐車長,認為伸手示意是基本動作「我小學都已經知搭車遞手示意啦」、「巴士站又唔咪得一條線⋯你唔遞手,人哋司機點知你坐咩線嘅巴士?」、「鍾意站站停你搭地鐵丫嘛,你唔揮手截車邊個知你等哩班車?巴士站都唔係得一條線既車啦」、「遞手係正常動作!即係落車要按鐘一樣!唔係一定要埋站㗎!」
![(FB影片截圖)](https://image.bastillepost.com/544x/wp-content/uploads/hongkong/2024/05/20240522_CR_source-web_bus1.jpeg.webp)
(FB影片截圖)
網民指責港女網暴兼危害乘客安全
亦有網民批評港女網暴「其實拍片行為真係討厭,依個習慣都唔見得好幾多,以為拍了片就大哂」、「我又覺得樓主你唔好小事化大樣樣嘢都拍片」;有人又指責她滋擾司機「你騷擾巴士司機駕駛犯法喎」、「其實巴士行駛途中,你不斷言語上騷擾司機去揸車,算唔算影響道路駕駛者/道路使用者/行人安全呀?」
帖文來源:facebook群組「突發馬路車cam大全」