周禮茂作品展尚餘兩星期開鑼 門票極速售罄感謝樂迷支持

《新城唱好海洋公園音樂會 周禮茂作品展》請來15位歌手演出！

新城唱好海洋公園音樂會 周禮茂作品展》將於6月8日晚假海洋公園怡慶坊舉行，作品展請來15位歌手演出，包括：陳慧琳、楊千嬅、張敬軒、林奕匡、胡鴻鈞、葉巧琳、黃淑蔓、周吉佩、余宗遙、周子涵、黃明德、鍾柔美、詹天文、林智樂及孫漢霖，門票已於早前極速售罄，不少樂迷表示相當期待。

左起：黎莉、周禮茂、程凱欣、周禮茂

新城廣播總經理（節目規劃及頻道運作）朱子昭為Thomas送上蛋糕。

距離開騷尚餘兩星期，周禮茂（Thomas）接受新城知訊台黎莉主持的《搵黎搞村》「好友音樂感」環節訪問，適逢本月26日是Thomas生日，黎莉特別準備了蛋糕提早為壽星仔慶祝，而新城廣播總經理（節目規劃及頻道運作）朱子昭、新城廣播知訊台台長程凱欣，專程到直播室向Thomas送上祝福，眾人大唱生日歌後Thomas即吹蠟燭和許願，黎莉問Thomas大一歲的感覺如何？他笑言：「我唔記得自己生日，真係醒唔起，唔記得又唔會特登去思考佢嘅重要性。」

本月26日是周禮茂生日。

爆當年憑許志安《男人最痛》攞『最佳中文（流行）歌詞獎』 安仔卻上台多謝林振強
Thomas創作了超過七百多首作品，黎莉問他是否會追求獎項？Thomas笑言:「我又未至於會追求獎項，但順便畀我又唔介意。」隨即大爆昔日一件獲獎難忘事，Thomas稱：「當年我憑許志安《男人最痛》攞『最佳中文（流行）歌詞獎』，呢首歌係我非常滿意同用咗好多心血、眼淚寫嘅一個作品，當時大會安排喺最尾頒呢個獎，主唱嘅安仔都有被請上台，佢致詞時話多謝林振強，當時我唔係真係好嬲，只係覺得好笑，後尾安仔都知，嗰刻喺現場好尷尬。」

而在Thomas眾多作品中，有多首歌是他的「禁歌」，每次聽到都必定掀動他的情緒，張智霖的《祝君好》便是其中一首，Thomas表示：「我每次一聽到就會觸動自己神經，或者會唔覺意流眼淚，都係關於過去一啲感情事。」Thomas又透露郭富城推出歌曲《狂野之城》時剛巧陳百強離世， Thomas說：「本來郭富城Book咗場想舉行迷你演唱會，但因為陳百強走咗，我同小美講想做件事懷念陳百強，佢話『好呀，你哋做啦』，佢好體諒。」

周禮茂作品展尚餘兩星期開鑼。

感謝樂迷購票！

詳細內容，請重溫5月24日，早上10:00 – 11:00，新城知訊台《搵黎搞村》節目中「好友音樂感」環節 ，重溫網址：https://www.metroradio.com.hk/MetroInfo/

啤梨：「感到好溫暖！」

新城廣播創作總監及節目主持葉文輝（啤梨）今天（6月5日）50歲正日生日，首席營運總監馬浚偉、朱靜宜總經理（項目及商業事務）、朱子昭總經理（節目規劃及頻道運作）、總經理（數碼媒體及業務拓展）陳小芝及知訊台台長程凱欣、項目總監葉碧梅，特別送上兩個蛋糕為啤梨慶生，馬浚偉更私人送上大利是給壽星仔，但不忘說：「嚟緊你有好多重任！」至於主持黎莉亦向啤梨送上飛吻，令啤梨開心又感動，不過笑言：「可惜病咗感冒，為免傳染， 只好側面接收。」
啤梨許願及切蛋糕後與新城廣播同事影大合照，他直言感到相當溫暖，「我今日『入五』喇，呢個年齡對我嚟講好特別，第一次唔想講自己幾多歲，哈哈！上年仲係4字都冇乜大感覺，當踏入5字，人生調轉嚟到倒數，個心態真係好唔同，公司同我慶祝我覺得好感恩，好多事都唔係必然，當人生去到倒數時，我所有嘢都係感恩同珍惜。」

葉文輝今日（5日）50歲正日生日。

馬浚偉私人送上大利是給壽星仔。

令啤梨開心又感動！

啤梨又指今年的轉變特別大，尤其是馬浚偉入主新城廣播後，自己升職又加薪，他表示：「依家個崗位係我從來冇涉獵到嘅，有呢個機會自己都做得好開心，好多謝呢班同事同我拍住，因為識咗咁耐都好了解對方。」提到生日願望，抱恙在身的啤梨由衷表示：「希望自己同身邊人一齊身體健康，有健康先可以繼續向前衝，同埋工作順利。」

「入五」喇！

黎莉送飛吻。

左起：陳小芝、程凱欣、朱靜宜、啤梨、馬浚偉、葉碧梅、朱子昭