曼聯2:1擊敗曼城奪英格蘭足總盃　兼取來屆歐霸盃資格

英格蘭足總盃決賽，曼聯爆冷以2:1擊敗爭取衛冕的曼城，第十三次捧走這項錦標，兼取得來屆歐霸盃資格。

AP圖片

曼聯開賽早段堅守陣地，等待機會反擊，曼城找不到太多機會，後防更在30分鐘嚴重失誤，紅魔後衛達洛治後場斬前，加華度爾想頂給門將奧迪加，但皮球剛好越過對方，加拿祖漁人得利射入空門，曼聯領先1:0。

曼聯在39分鐘靠防反再搵到入球，拉舒福特左路傳去右邊的加拿祖，這位阿根廷年輕球員右路推左一段之後，將皮球交給般奴，般奴未有起腳，傳給左邊位置更好的明奈射入，紅魔半場意外領先兩球。

曼城換邊後換入杜古和艾簡治，杜古多次在左路挑戰紅魔防線，55分鐘傳到禁區中間，夏蘭特左腳勁射中楣彈出，基爾獲加之後有遠射機會，但被曼聯門將奧拿拿飛身撲出，艾華利斯亦錯失重大機會。

戰至87分鐘，杜古左路禁區頂推大位起腳，奧拿拿撲到都入，藍月亮追成1:2，但最後仍然無阻曼聯繼2016年後再度封王。

英格蘭足總盃四強，曼城1:0擊敗車路士，率先打入決賽。

比賽在溫布萊球會舉行，曼城射手夏蘭特因傷缺陣。

AP圖片

車路士未能把握多次入球機會，踢到84分鐘，曼城攻入全場唯一入球。當時一次左路攻勢，迪布尼地波傳中，被車路士門將柏度域擋出，貝拿度施華門前射入。

曼城晉級之後，將與曼聯或高雲地利爭奪冠軍。