昨日足球界最引人注目的事，必然是「雙紅會」 － 利物浦主場迎戰曼聯，最終兩隊0比0和氣收場。雖然賽果望落好悶，但曼聯不失球，全靠全場「門神」上身的迪基亞，化解危險攻勢。
（AP圖片）
雙方今仗戰術講究 － 即係少搶攻，大量時間搓波。利物浦於29分鐘先有首個威脅性進攻，法明奴於門前接應傳中，以頭鎚攻門，但明顯不夠力，迪基亞立刻乘機沒收。
但於換邊後，曼聯繼續靠纏功，但紅軍開始發力，於59分鐘，祖爾麥迪傳個靚直線俾簡恩，雖然簡恩在禁區被多名曼聯球員攔截，但眼見距離龍門僅差十二碼，在人群遮擋視線下，有空位起腳就近乎入硬。不過迪基亞嚟料，反應神速撲走攻勢。
（AP圖片）
戰至70分鐘，利物浦的古天奴決定放冷箭，在30多碼外瞄準右角勁射，迪基亞飛身向左一撲，伸盡右手將球頂走，力保曼聯不失球到完場。
（AP圖片）
瘋狂體育
** 博客文章文責自負,不代表本公司立場 **
