鄧月平（Larine）早前拍攝賀歲電影，與蔡瀚億（BabyJohn）拍攝一場隻揪戲份，其36F上圍更卡着BabyJohn的頭部。導演一嗌cut機，BabyJohn即刻推開她，場面尷尬。
鄧月平「胸」襲蔡瀚億。
Larine早前於健身室與談善言（阿談）及BabyJohn拍攝賀歲電影《小男人週記3之吾家有喜》，講述飾演TB的阿談對Larine勁嗒糖，對鍾意Larine的BabyJohn有心病，當日三人在健身室相遇，阿談同BabyJohn隻揪，使出旋風腿欲掃低情敵，但掃唔中兼碌低，身穿運動bra top及短褲的Larine即刻幫拖，施展獨門武功「猛虎硬爬山」，企上木箱跳落地鋤爆BabyJohn，豈料其胸部太大卡住BabyJohn頭部。
點擊看圖輯
鄧月平「胸」襲蔡瀚億。
鄧月平施展「猛虎硬爬山」。
鄧月平擁有36F上圍。
談善言（左）同蔡瀚億隻揪。
蔡瀚億期待電影上映。
鄧月平施展「猛虎硬爬山」。
首次拍電影的Larine，以「超級尷尬」、「極度尷尬」來形容這場戲：「但出嚟嘅效果幾搞笑，觀眾應該會笑到爆肚.....就豁出去，拍啦！我覺得BabyJohn係個超級專業嘅男演員，因為導演嗌cut機時，佢係即刻推開我，仲快過我自己反應，所以同佢拍呢場戲係十分之放心。」而被36F巨胸夾住個頭的BabyJohn，表示拍的時侯不緊張，又指劇本形容這場戲非常仔細，所以有晒心理準備。
鄧月平擁有36F上圍。
BabyJohn續指可能Larine第一次拍電影，一來便拍這種場口，所以有些緊張：「我哋好詳細同佢講番要點，等佢唔好咁緊張，如果唔係大家都好緊張㗎啦。艷福就見仁見智，我覺得反而係安全，因為Larine喺個木箱跳落嚟我度，雖然跳落我塊臉，但我要接得住，如果唔係大家一齊跌，我就着重安全多啲。拍嘅時候，我諗住盡量一take，點知拍完NG，仲竟然係收音NG，我哋懷疑係咪收音師想睇多次？結果都拍多次，都期待出嚟嘅聲會係點。」
談善言（左）同蔡瀚億隻揪。
蔡瀚億期待電影上映。
