陳展鵬與無綫劇集《乘勝狙擊》一眾演員陳山聰、單立文、莊思敏、趙希洛等出席宣傳活動，除了跟現場觀眾賀年外，更大玩遊戲派禮物。陳展鵬帶着愛犬「包包」到場，「包包」乖巧又活潑相當搶鏡頭，搞到低胸上陣的莊思敏、趙希洛等都不顧身世，俯身跟「包包」玩。
展鵬透露「包包」已7歲，雖然是狗仔但就嗲得像狗女一樣。展鵬說：「屋企無人，有應承過Fans帶俾佢哋見吓，所以帶佢落嚟。」展鵬更即場讓包包表演唱歌，他笑說：「佢天生㗎！之前我喺房自彈自唱，聽到廳有怪聲，原來係『包包』唱歌。又試過媽咪帶『包包』去寵物美容，舖頭有播我同定欣首歌。個姐姐話佢係咁唱歌，佢認得我把聲。」
陳展鵬帶着愛犬「包包」宣傳劇集《乘勝狙擊》。
展鵬坦言對包包萬千寵愛，又透露今年「包包」會成家立室。笑指他將做新老爺，展鵬笑說：「我唔係佢老豆啊，我係佢阿哥！（細佬爬頭結婚喎！）我唔介意，係我少收啲利是啫，好多人都好錫佢。」
