名模周汶錡（Kathy）同法籍老公Julien Lepeu 日前到日本餐廳歎美食，Julien食得十分興起，甚至仲貪玩瀨埋碟上的食物碎屑，搞到Kathy都被為食老公嚇一嚇。
周汶錡見到老公Julien食完招牌菜「大菜海膽」後「瀨碟」，都不禁望一望。
Kathy和Julien日前大班朋友到著名的日本餐廳食天婦羅。只見他們邊飲邊食，與友人傾偈傾得好暢快。Julien雖然係法國人，但揸筷子不知幾叻，食到該餐廳大熱菜式「大葉海膽」時，Julien更不斷點點頭示意Yummy。食完海膽，他連炸到脆卜卜的大葉都放埋落口，然後仲玩嘢瀨埋碟上的食物碎屑，跟住笑嘻嘻。Kathy見狀，即刻望吓老公發生咩事，但見他得意洋洋，都係貪玩搞吓氣氛。吃了約兩小時，一行約十人便離開，而他們就坐座駕返屋企。
「大菜海膽」。
離開時二人發現記者，周汶錡（左）急急上車，反而Julien（右二）任影唔嬲。
剛過去的母親節，老公Julien不在港，但Kathy話有兩個仔陪伴已經足夠。雖然細仔Avner未識講嘢，但Jacques每日均給她驚喜和快樂。故現時她以湊仔為樂，偶爾才出席活動。
網上圖片
