吳若希(Jinny)的B女淼淼正面照日前意外被友人曝光,Jinny隨即上傳全家福正式公開囡囡的樣兼晒幸福,怎料有網民惡口留言攻擊B女,惹到Jinny忍不住發火怒斥,B女的爸爸Alex Ho亦發聲護妻女:「我老婆有幾任性,公主病。講粗口又點?咁又點?我鍾意呀!」
網上圖片
Jinny公開全家福後竟有惡口網民對兩母女人身攻擊,用詞粗俗不堪,繼Jinny嬲爆斥責網民後,Alex亦撰文維護妻女, 「首先,我好多謝咁多人去關心我女兒嘅相貌~老人家成日講當個BB出世後要成日話佢好醜樣,唔好讚佢,咁佢第時大個一定好靚女好叻女~」「我好多謝咁多鍵盤戰士和網民令我個女長大後成為一個人見人愛,車見車載,美麗大方,溫柔體貼嘅女仔。不過,我真係覺得我哋個女好靚!巧打耳喎!就算我們的女兒大個咗係點樣~她始終係我們個世界入面最prefect!」
網上圖片
Alex又man爆寫道:「另外,所謂的黑粉請不要再侮辱我家人!就算我個女,我老婆有幾任性,公主病。講粗口又點?咁又點?我鍾意呀!我愛呀!所以你們講咁多又點?I Don't Care!」「我最Care係我家人。你們今天另(令)她們不開心,我會全力去保護佢哋!他日你們又另(令)她們不開心,我一樣全力去保護她們。我會用盡所有方法去保護她們!所以請那些所謂黑粉,三思而後行!」
網上圖片
網上圖片
Giselle與媽媽如餅印一樣
31歲吳若希(Jinny)於2017年與何兆鴻(Alex)結婚,並育有一女一子,Jinny亦都經常會在社交平台分享一家四口的相片,但一直將女兒Giselle(淼淼)保護得好好,幾乎沒有公開過她的正面樣。4月23日是Giselle的7歲生日,Jinnypo相為她慶生的同時,終於公開女兒相貌,與媽媽如餅印一樣!
吳若希與老公何兆鴻相當恩愛
吳若希與老公何兆鴻
經常分享一家四口的生活
相當幸福
近日Jinny在社交平台貼出慶祝女兒生日相片,她和老公一如以往左右夾擊啜囡囡面珠,並留言:「我真係唔知可以再啜到去幾多歲,今年已經啜到好似要打交咁。」激罕曝光Giselle正面,與媽咪吳若希如餅印一樣,Jinny寄語囡囡:「諗咗好耐應該同你講咩,喺你小時候,對你可能有好多期望,希望你開心,希望你快樂,希望你善良,希望你勇敢。但係漸漸地發現,我希望你做到嘅嘢,你全部都做到,有好多我唔expect你會做到嘅嘢,你都做到!睇住你慢慢進步,做媽咪嘅真係好安慰。」Jinny感歎時間過得很快,轉眼間,女兒已經七歲,「開始慢慢接觸外邊的世界,有自己嘅圈子同埋自己嘅諗法,媽媽會繼續做你嘅好朋友,隨時準備好耳仔,聽你分享你嘅生活同心情,媽媽愛你!」網民亦留言大讚:「家姐似足mama你大眼睛咁靚女」、「家姐好靚女,未來香港小姐,又遺傳媽咪咁高。」
正面樣曝光
限時動態分開Giselle的生日相
女兒與媽媽如餅印
一家四口
兩姊弟好可愛
Giselle6歲生日
5歲生日
4歲生日
3歲生日
2歲生日
1歲生日