阿仔送風扇仔賀父親節張繼聰：寓意係....吹咩！？

娛圈事

阿仔送風扇仔賀父親節張繼聰：寓意係....吹咩！？

2017年06月19日 14:01 最後更新：14:01

張繼聰同老婆謝安琪（Kay）一家四口好幸福，昨日係父親節，細女張靖仲係BB，未識送禮物畀張繼聰，10歲囝囝張膽算係有啲表示，拎出自己唔鍾意嘅風扇仔，「瀟灑」賀父親節。

知足嘅張繼聰都有收好份小禮物，並留言多謝阿仔：「我個仔送俾我嘅父親節禮物，我問佢：你買架？佢話：唔知邊道搵出嚟....我諗依份禮物嘅寓意係....吹咩！？Anyways，多謝，外景啱用」。

目擊事件經過嘅Kay，搞笑讚兩仔爺係「瀟灑的父子」，詳細交代來龍去脈。佢喺社交平台留言：「今日父親節，我個仔乜嘢都冇準備，我老公讚佢瀟灑。然後我問佢係咪應該都有少少野送俾爹哋？於是佢唔知係邊度摷到一個，佢自己唔鍾意嘅風扇，晚餐時送俾爹哋。然而，佢老豆都好瀟灑：佢見到個仔俾份咁嘅禮物佢，佢接都冇接到，手都冇伸出嚟。只係問左一句：個風扇仔你買㗎？個仔答：頭先唔知喺邊度搵到既個風扇就咁滯留咗係枱面，場面相當無奈。完。」

原以為父親節禮物事件現「羅生門」，張繼聰最終冇要到風扇仔，網民都叫兩公婆「夾口供」。不過Kay再加插留言，交代風扇仔去向，「PS：飯後，老豆發左post，多謝仔仔既禮物，小風扇總算守得雲開見月明，關心小風扇下場既朋友，你地可以放心喇」。

往下看更多文章

未受宣布離婚影響歐倩怡約謝安琪歎high tea

2024年05月04日 21:30 最後更新：05月05日 19:56

歐倩怡宣布離婚後心情如常。

視帝郭晉安與歐倩怡日前（2日）突然分別於社交平台宣布已分居兩年，並決左離婚，結束18年婚姻，消息震撼全城。他們分別寫出一樣的留言：「感恩曾與你一起走過的歲月，自兩年前起我們已經分開生活了，經過雙方深思熟慮及溝通，最後，我們決定離婚了。這個決定是無奈及艱難......感恩我們也曾經為彼此付出過，為家庭努力過，最後寄予妳最大的祝福。」經翻查，二人公開合體已要數2020年11月播出的《流行經典50年》節目，二人互動感覺疏離。