洪永城赴北韓誤帶禁書 拉入房盤問簽悔過書

22歲美國大學生瓦姆比爾在北韓被囚禁超過15個月，終於獲釋回國卻不幸逝世。洪永城對此十分感慨，他曾經在北韓拍攝旅遊節目《在那遙遠的地方》，因攜帶關於最高領導人金正恩的禁書入境，被拉入房間盤問，寫完悔過書先可以走。

網上圖片

洪永城在社交網貼文分享驚險經歷，直稱自己犯咗低級的錯誤，「我帶咗本喺香港買嘅北韓書，我唔記得擺低喺中國，老實講，有關於北韓嘅書都冇乜邊本係講好嘢㗎喇，最弊就係封面套咁啱係將金生嘅肖像接咗一半，佢一搵到嗰一刻，我成身喺度震，當地官員睇到即刻拉我入去一間房，問我本書講咩喎？我梗係話唔知啦，睇都未睇過....」

金正恩（資料圖片）

網上圖片

洪永城稱「但唔知邊度躡出嚟一位識普通話嘅女士，揭開本書喺度讀喎，好彩本書唔係我寫，之後佢淨係要我簽一份悔過書，要我承認本書唔係我寫、唔贊成書入邊寫嘅嘢、無意威脅金正恩嘅政權等等.....之後就俾我走，最後講咗句 'no worry, enjoy your journey'。」

他又提醒大家，「如果你哋下次去北韓，千祈千祈唔好帶北韓嘅任何資料同埋唔該你哋delete晒電話入邊金正恩嘅圖片，祝大家好運。」

網上圖片

北韓近日允許中國公派留學生入境，是新冠疫情後首次。

中國駐北韓大使館網站圖片

中國駐北韓大使館表示，41名中國政府獎學金留學人員2日抵達平壤，中國駐北韓大使館文教處負責人等到機場迎接，標誌中朝之間留學交流項目正式恢復。使館又說，45名自費中國留學生不久前，已入境北韓開始留學生活。

中國駐北韓大使館網站截圖

北韓去年解除封鎖邊境的防疫措施，但外國人入境只限於中俄兩國政府代表團和俄羅斯遊客等。這次是相隔3年8個月後，再次容許海外留學生入境。