港姐參選佳麗疑似整容馮盈盈直言支持天然

馮盈盈出席劇集《射鵰英雄傳》宣傳活動，說到新一屆港姐面試有參選佳麗疑似整容，馮盈盈直言知道公司有節目想找她，但自己就支持天然，亦不擔心日後要維修。

馮盈盈笑言有留意新一屆港姐競選，亦發現演技班同學及大學同學有參選，對她們很有信心。

同場的翟威廉玩遊戲時疑似不小心觸碰岑杏賢胸部，但他們一於少理，專心投入玩遊戲。

高鈞賢昏迷場口雖然令人痛心，但拍攝時卻笑料百出，期間高鈞賢被電話「震」醒，馮盈盈見狀不禁爆笑說：「醒番呀佢！」

《逆天奇案2》昨晚（5月1日）一集劇情再有新推進，Daniel（高鈞賢飾）在工作時遇上火警，並因吸入現場的化學氣體後出現罕見的過敏反應，陷入昏迷，身為未婚妻的Ana（馮盈盈飾）得悉噩耗後大受打擊崩潰爆喊！後來冠峰（方力申飾）獨自前往探望Daniel，揭露冠峰原來是導致Daniel昏迷的幕後黑手，冠峰原本只是想Daniel受輕傷退出調查，怎料Daniel是萬中無一的溴氣過敏者，令冠峰深感自責。

Daniel出事昏迷後，Ana如行屍走肉般連飯也不吃，終日流連暗網瘋狂尋找救醒Daniel的方法；阿Wing（林夏薇飾）上Ana家探望和開解她，Ana激動大嗌：「Daniel會返嚟同我結婚，我哋會度蜜月，佢要同我去旅行，佢要同我生小朋友……」愈說愈激動的Ana最後心理防線失守崩潰兼嚎啕大哭：「我好掛住Daniel，我唔知仲有咩方法，我已經咩都做晒喇，我唔知點算好呀…….」盈盈於這場戲再晒喊功，將內心崩潰、無助感演繹到位，獲不少網友讚她喊功有進步。對於「絕世暖男」Daniel陷入昏迷，不少網友大感肉緊，並希望他盡快甦醒與Ana結婚！

高鈞賢（Matthew）昏迷場口雖然令人痛心，但拍攝時卻笑料百出！無綫官方平台釋出《逆天2》NG花絮片段，內容是盈盈拍攝探望昏迷Matthew的場口；拍攝期間，本應緊閉雙眼的Matthew無啦啦睜開雙眼說：「I am so Sorry！」原來拍攝時有人打電話給Matthew，被「震醒」的Matthew即急急伸手入衫袋撳熄電話，盈盈見狀不禁爆笑說：「醒番呀佢！」

觀看相關影片按連結：https://youtu.be/ukyXwW6KGBw?si=g0nmryiLt4U0PjhZ

另一場O記食飯場口，陳展鵬誤將「狗急跳牆」講成「狗跳佛牆」，同場演員聽到成頭黑人問號之餘忍不住爆笑，黃智賢更笑謂：「隻狗點跳佛牆呀！」氣氛相當歡愉。

昨晚另笑位，是出名貪小便宜兼計到盡的莫Sir（李國麟飾）教一班下屬如何買到性價比最高的三餸飯，他說：「三餸飯表面上貴兩餸飯幾蚊，但你識得叫就抵好多，三餸飯同兩餸飯都係用同一種飯盒裝，你落單時先叫兩餸，等阿姐將啲餸裝滿晒喇，你先同佢講唔好意思，我想食三餸。」此時有人說阿姐遇到這種情況只會酌量裝第三個餸，莫Sir聽畢笑笑口說之後步驟是重中之重：「餸菜分為可量化和不可量化，豬扒、雞翼呢啲屬於可量化，粟米肉粒、麻婆豆腐呢啲就屬於不可量化，所以揀餸時要先揀不可量化嘅，呢啲冇得畀少你㗎嘛，之後再追加可量化嘅！」