影帝張家輝近年狂吸金，靚太關詠荷就全職湊11歲獨女張童Brittany。日前美魔女關詠荷拖愛囡行銅鑼灣利園。Brittany唔知係咪好掛住daddy，當日心情同陰天一樣，高EQ嘅靚媽不時開解阿女，仲買條千幾蚊靚裙仔氹小公主，乖女先有番啲mood！
身優閒服裝嘅關詠荷，替囡囡揀一條金色閃令令去飲裙。
日前下午3時許，關詠荷帶囡囡「拍拖更」行街街，餅印母女在利園2期童裝樓層行逛。當日Brittany心情悶悶不樂，一直扁嘴面黑，扭計唔出聲。高EQ的靚媽咪就細心溫柔呵氹。囡囡仲係無乜mood，媽咪於是出招，帶童童入店睇衫。
點擊看圖輯
身優閒服裝嘅關詠荷，替囡囡揀一條金色閃令令去飲裙。
廿四孝媽咪一袋二袋，餅印母女十指緊扣好好傾，散步回跑馬地寓所。
乖女試衫其間，關詠荷玩手機打發時間。
見張太幫乖女揀了一條金色閃令令連身裙，慈母將裙仔放在愛女身上比併後，又叫童童穿上身。穿上新裙出來的Brittany照鏡，心情好番啲。
廿四孝媽咪細心調校吊帶長度。
媽咪細心調校吊帶長度，再幫愛女襯件粉紅色短褸，唔怕凍親。逗留約廿分鐘，媽咪買晒一套衫裙，折後約二千元。
幫愛女襯件粉紅色短褸，唔怕凍親。
買了袋戰利品，童童好乖拖實媽咪走人，兩母女「姊妹情深」有傾有講、十指緊扣行返跑馬地黃泥涌道寓所。
廿四孝媽咪一袋二袋，餅印母女十指緊扣好好傾，散步回跑馬地寓所。
張家輝笑指希望今次意大利首映，為電影賦予「大利」的意義。
張家輝執導及主演新作《贖夢》獲邀參與意大利烏甸尼遠東電影節競賽單元，並於4月30日晚舉行世界首映。家輝放映前上台答謝觀眾，又搞笑指希望今次意大利首映，為電影賦予「大利」意義！這晚首映全院滿座，影迷反應熱烈，除了當地及歐洲觀眾外，又有內地影迷專程到場，而在放映後觀眾更報以長達兩分鐘的掌聲支持，令家輝非常感動。
張家輝執導及主演新作《贖夢》獲邀參與意大利烏甸尼遠東電影節競賽單元。
《贖夢》於4月30日晚舉行世界首映。
家輝官仔骨骨盛裝出席首映，抵達放映場地大劇院時，就獲得影迷們夾道歡迎，當中有不少是內地影迷，專程赴烏甸尼支持，心情相當雀躍的家輝就即場跟他們交流，又先跟影迷們合照。對於作品首次公映，並跟世界各地影迷見面，家輝直言無特別緊張：「因為我本身自己就冇乜野心，今次烏甸尼邀請我作為一個競賽電影，其實都係人哋畀面，人哋畀面我咪接咗人個面，自己野心唔係真係好大，當然如果能夠推廣到部電影，令大家多啲人知道呢部電影而有興趣入去支持，呢個係我最大嘅心願。」家輝又發揮搞笑本色，笑言能夠帶著《贖夢》來到意大利，希望都有個好意頭：「我作為導演帶住《贖夢》嚟到意大利，進行一個世界性嘅首映，咁...個意思咪就係大利囉，因為意大利吖嘛，總之希望大家睇得開心。」
甫抵放映現場即獲大批華人影迷夾道歡迎。
放映前，家輝先上台以英文答謝觀眾，感恩獲電影節邀請舉行世界首映。說畢，總監Sabrina Baracetti在台上跟家輝互相擁抱，恭賀對方執導的新作終於正式面世。放映完畢後，在場觀眾拍掌長達兩分鐘，令家輝非常感動，他亦隨即起身雙掌合十，向全場觀眾鞠躬致謝。
放映前，家輝先上台以英文答謝觀眾。
家輝與總監Sabrina Baracetti擁抱。
放映後，在場觀眾拍掌長達兩分鐘，令家輝非常感動。
隨後超過半百影迷走到劇院大堂，圍著家輝要求簽名及合照，場面相當墟冚，家輝亦非常親民有求必應，足足逗留現場近半小時去滿足大家。有歐洲觀眾即場跟家輝交流，大讚電影擁有強烈風格，影像凌厲，有影迷就讚特技出色，被戲中場面嚇到，又有影評人網上撰文欣賞戲中演員們出色表現。
散場後家輝獲過半百影迷等候簽名求合照 場面墟冚。
家輝非常親民有求必應。
獲外地影迷邀請合照。
家輝跟合辦影展夥伴Sabrina Baracetti（右） 和Thomas Bertacche（左）合照。
《贖夢》由張家輝執導及主演，劉俊謙、陳法拉領銜主演，袁富華、朱晨麗、李凱賢及袁綺雯助陣參演，許恩怡（Natalie）特別演出，並由香港電影發展基金及創意香港支持拍攝，電影人製作有限公司及香港電影發展基金出品，星火製作有限公司製作。烏甸尼世界首映順利完成，獲影迷大力支持，香港觀眾敬請期待公映日期！
