盧淑儀Wyman聯手 李克勤為紀念騷打造新形象

49歲的李克勤將於九月舉行紀念騷，為給人耳目一新感覺，克勤選用全新製作班底，連形象都主動找好友兼潮人黃偉文（Wyman）幫手。日前，Wyman就帶同克勤試名牌西裝，還有「專屬服裝指導」愛妻盧淑儀給意見，粉絲有福了！

紀念騷超受歡迎不斷加場，最終共開九場。

今年對李克勤來說是人生事件簿的重要一環，因為他將於下月於紅館舉行九場《李克勤慶祝成立30週年演唱會》，還四度加場至九場，大讚「長長久久，數字好靚仔」，更是克勤加盟英皇娛樂後的首個個唱，當然付出200%努力去做個good show！

日前，克勤和約200歌迷舉行聚會，同時宣佈終極加場喜訊。

平日，克勤會找老婆去名店幫眼揀靚衫。

婚後相夫教子的盧淑儀，日前po泳衣相，激罕露「線頭」。

這次紀念騷，克勤找出好友Wyman負責形象，笑言可以性感無底線，又會飛到日本採購。日前下午，克勤兩公婆與Wyman及女助手現身ifc的名店揀戰衣，見名店經理替克勤度身，再取出幾套西裝讓他試。而克勤當日亦好配合，穿上白恤衫，就可以大方在店內試西裝。連試幾件，Wyman和盧淑儀都有給予意見。

克勤睇中好友Wyman一向有taste，找對方做形象設計。

Wyman當日孭住個潮爆LV X Supreme Christopher PM背包。

最後，Wyman幫克勤着件銀灰色西裝，克勤照照鏡，點頭示意顏色不錯，但衫身太闊，手袖過長，size太大。逗留約一小時，Wyman嚴選了幾件，然後讓名店改好大小，日後再取。最後，一行人穿過四季酒店等七人車接載，盧淑儀和Wyman沿途雞啄唔斷，講到笑笑口，反而克勤就無表情，看上去很累，似係連日練歌，加上馬不停蹄工作，捱殘晒！

經典慢歌多的克勤，要準備幾套西裝。

克勤和愛妻結婚11年愈來愈恩愛，見克勤幫太太開門，錫老婆錫到燶。

容祖兒今年首支派台作品《九秒九》今日（4月29日）上架，歌曲由黃偉文與湯令山再度合作。

去年，黃偉文（Wyman）與湯令山（Gareth. T）創作了《緊急聯絡人》，男方將前度名字填在「緊急聯絡人」一欄；今年，故事由祖兒延續，由女方角度呈現出如何徬徨焦躁準備這趟特急行程，可謂是《緊急聯絡人》下集。祖兒透露概念全由Wyman促成，「因為佢係《緊急聯絡人》嘅填詞人，當我俾咗Gareth呢個demo佢嘅時候，佢好快就話俾我聽『不如我哋就寫《緊急聯絡人》嘅下集。』由我作為第一身去講番嗰件事、嗰個感受。」

容祖兒推出今年首支派台作品《九秒九》。

《九秒九》故事由祖兒延續，由女方角度呈現出如何徬徨焦躁準備這趟特急行程，可謂是《緊急聯絡人》下集。

觀看相關影片按連結：https://youtu.be/-faG6EV5G4A?si=eUbytBaC2jMXlyY_

祖兒坦言對於每個階段的樂壇都有自己很欣賞的音樂人，上一個很喜歡的是方大同，近年是Gareth. T，「呢幾年每一次聽湯令山嘅新歌，我都可以無限循環咁樣去聽，無論佢嘅melody同埋演繹，對我嚟講好有feel，所以今次做新碟第一個想合作嘅人就係Gareth，咁就搵佢啦。」

祖兒坦言近年很欣賞的音樂人是Gareth. T。

除了作曲，祖兒亦邀請Gareth. T於MV客串的士司機一角，「佢嘅MV都係佢嘅創作嚟嘅。所以我話：『我今個MV可唔可以邀請你參加呀？你啲MV成日都有你啲朋友，我可唔可以邀請你？』佢話：『ok㗎，我可以㗎。』然之後佢就喺入面飾演一個角色。」

祖兒亦邀請Gareth. T於MV客串的士司機。

今次MV最特別之處是採用一鏡到尾的拍攝手法，面對首次「一shot直落」的祖兒坦言充滿挑戰性，各種的走位細節等，在拍攝前已在祖兒腦海「走」過無限次。另外，又請來著名舞台劇演員、風車草劇團創辦人之一的邵美君導戲，祖兒謂：「有兩個單位我好多謝嘅，第一次合作嘅導演Maggie同埋邵美君老師。好耐之前我已經同邵美君講，『我好想跟你學演戲。』雖然最後冇成事，但今次呢個MV Maggie幫我搵咗美君，我哋一拍即合！喺佢嘅指引底下拍咗呢個MV，個感覺好安全、好有信心，希望大家都會喜歡呢個MV啦。」

今次MV是採用一鏡到尾的拍攝手法。

並請來著名舞台劇演員、風車草劇團創辦人之一的邵美君導戲。

祖兒指在美君的指引底下拍MV，感覺好安全、好有信心。