早前誕下細囡張靖而久未復出的謝安琪（Kay），昨日「出山」撐自己有份投資的食店開張，產後身形依然圓潤的她，話現時好享受湊仔女的時間，亦想繼續學做生意、開生活館，還說了一句「仲咁肥唱乜歌」，嚇到歌迷以為Kay要隱退。
謝安琪話自己仲咁肥，未敢復出。
Kay上載與大仔張瞻及囡囡的合照，就她昨日的言論向大家Say Sorry，表示未來希望以最佳狀態復出，不過現階段先享受同家人相處。Kay留言：「Sorry sorry sorry，需要同大家解釋一下，我唔係覺得肥就唔可以唱歌，我表達得唔好希望大家唔好介意，我只係覺得我自己而家嘅狀態，無論身體狀況定係身形線條，都同平常工作時候既我有一大段嘅距離，並唔係我心目中嘅演出狀態。」
謝安琪話好享受湊仔女的時光，會好好珍惜。
現階段好享受家庭生活的Kay自言，每日同仔女相處很美好、寶貴，所以不會為工作設下期限，希望可以循序漸進回復狀態。她更問歌迷：「如果有朝一日我返嚟，我希望以最佳嘅狀態同你見面為你唱歌，一言為定，好嗎？ 我不著急，我現在很快樂。」
Kay日前出席食店開張（資料圖片）
歌迷都力撐好媽媽Kay，有人窩心留言：「我等你返嚟啊...kay!!!!!點捨得叫一個啱啱生完嘅媽媽放棄同仔女相處嘅時間出嚟做嘢呀」、「一定等你準備好哂先！對你既心從未變過」、「好喜歡你可以很自然的享受這個時刻這個狀態」、「生完bb既媽媽係最靚架，因為嗰份母愛令你變得更迷人，支持你」。
網上圖片
