錢小豪與前妻郭秀雲所生的兒子龐景峰,早前首度以父子檔演出網絡電影《生化藥屍》。父子合體果然有火花,在內地播出兩星期約有三千萬點擊率,新片贏了口碑亦賺了父子情。兩父子密密見,更friend過打band,小豪亦可以彌補對景峰的父愛。日前景峰27歲牛一,小豪就與母親同乖仔去聚會。三代同堂有講有笑,可見景峰心目中的「超人daddy」回來了!
去年尾,錢小豪首次擔任出品人的電影《生化藥屍》找了親生仔景峰扮演他的少年版,餅印父子拍住上,感情大躍進。日前兩父子出席活動時,連錢小豪都話:「聽到佢(景峰)叫我Daddy真係開心到打冷震,呢半年叫我Daddy嘅次數多過之前二十年嘅總和。」正如日前景峰27歲生日,小豪就找母親和孫兒聚一聚,o氹到壽星仔很開心!
上周六(19日),景峰生日正日連走幾場,頭場預了給「超人daddy」。他好乖預先去叔叔錢嘉樂家接嫲嫲,然後兩嫲孫搭小巴去天后找錢小豪。三人簡單食雲吞麵都溫馨滿載。之後景峰埋單,景峰還說另日會再請爸爸食飯補數。其後兩父子就站在街頭閒聊十多分鐘,才捨得送母親返家。兩父子道別時,可景峰相當開心,可想而知他對能見到生父是多麼滿足!
之後,景峰戴回黑超,獨自經維園行去Sogo買泳衣和防曬衫等,逗留一小時便返家。晚上再去中環某會所,出席母親及其夫龐傑為他舉行的生日P。
一向崇拜生父嘅景峰,日前孖父親接受訪問時,開心自爆:「爸爸由細到大一向都係我心目中嘅超級英雄,細個迫我睇《龍珠》,佢咁打得係我心目中嘅孫悟空。直至口依家佢仍然係我心目中嘅超人,哈哈!」小豪亦坦言有個這麼上進又乖巧勤力的囝囝都好安慰。
談到合作新戲,小豪說:「其實係由監製鄭敬基選角,認為戲中由景峰做我少年版角色比較有趣,我當然冇所謂,反而個仔就騰雞。拍戲其間,我對佢一視同仁,片酬同待遇上佢完全冇特權,不過佢好乖,好勤力,我教佢守時、早到嘅重要性,同埋演員應具備嘅專業態度。」景峰坦言不想拆爸爸「招牌」,所以對自己要求更高,笑言:「今次我哋冇對手戲,我對自己武打有信心,不如第日合演一部殺父戲,我可以名正言順咁打老竇,應該幾好玩。」