相識逾30載　蔡一傑許志安經歷無數第一次

蔡一傑與許志安相識31年，可謂真正的識於微時，最近推出合唱歌《男藍》是他們第一次在音樂上正式合作。日前兩人接受本網專訪，大方分享多年來一起經歷過各式各樣的「第一次」。

本網記者攝

兩人憶述第一次見面是1986年，在鰂魚涌一個錄音室裡錄梅艷芳的《將冰山劈開》：「安仔梳個『平頭裝』，身穿校服」；「傑仔則是已經很有型，像個明星一樣，教我唱《將冰山劈開》。」「因為那首歌是英文歌改篇，我很熟那首歌，所以就告訴他怎樣唱。」傑仔說。

翻看舊片段，梅姐現場表演《將冰山劈開》，有時是安仔現唱伴唱，有時則是草蜢，安仔笑說：「想起就心酸，在家看電視，台上表演無我份但那是我把聲。」傑仔聞言即哈哈大笑。而兩人第一次同台表演都一定有梅艷芳：「應該是1992年梅艷芳告別演唱會。」安仔補充：「記得有一次梅艷芳演唱會上我扮神父，傑仔就...」「行行企企吧」傑仔接著道。

本網記者攝

問到第一次同枱食飯，安仔第一個反應是「怎麼記得啊！？」但有一次印象特別深刻的是拍攝《將冰山劈開》MV：「有草蜢、我、梅艷芳，那天是晚上，大家一齊在銅鑼灣食完飯才開工，梅艷芳在一個很高級的地方請所有人吃飯，那時覺得那頓飯『好正』，所以說到同枱食飯就想到這個。」那次亦是兩人第一次一起拍MV。

本網記者攝

至於第一次一齊出埠，兩人記憶出現分歧，傑仔以為應該是1986年一起跟梅者出埠登台，但安仔就記得自己入行兩年後才第一次搭飛機：「因為是第一次所以特別記得，心情緊張，又不懂扣安全帶，又驚找不到廁所。」傑仔聞言在旁取笑他。安仔又指二人一齊出埠應該是再後一點的時間，和梅艷芳一起到東南亞國家登台。

本網記者攝

兩人表示從來沒有吵架，但就試過「扮鬧交」，目的是整蛊蘇志威。安仔笑說現在想起都覺得有點後悔，對不起蘇老闆：「當時我們跟梅姐到拉斯維加斯登台，玩到無嘢好玩，就想不如整蛊蘇志威，扮鬧交試試他的反應。我們就玩啤牌，然後認真起來，初則口角，繼而推撞。我們很認真地預先綵排好的，還要入到廁所扮打架，弄一些聲音出來，好像在演廣播劇。與其他工作人員和舞蹈員都夾好，綵排完等了一個鐘都未見他回來，令大家都好像不想再演這場戲，結果要派個人去找他，他那時在賭錢。」當時蘇老闆見他們吵架，仍然保持中立平心靜氣地勸交；知道自己被整蛊後都沒有生氣，但安仔覺得他應該有點不開心，於是在鏡頭前連翻向蘇老闆說「對不起」。

本網記者攝

兩人又談到昔日過時過節都會一起度過，包括對方的生日、聖誔、中秋節都會一起玩，還有羅文、梅姐等等：「新年會出去行花市，不知道為甚麼要去這麼多人的地方，是想試試自己的知名度？或是吸人氣吧。那時梅艷芳都一起去，我們圍住她，街上的人就要圍她，於是我們不斷被人推。」

《男藍》MV截圖

許志安和蔡一傑兩個同年紀的大男孩，都是參加新秀入行，安仔是1986年，傑仔是1985年，其後齊齊成為一代巨星梅艷芳的徒弟。聽完二人的對話，不難感受到他們的友情，相知相識多年而又真心相待。30多年的回億無法一一盡錄，但言談之間總會提到梅姐，這可說是二人最大的共通點，雖然恩師已經不在，但二人的「超友誼」戰友關係仍維繫至今，實在難得。

本網記者攝

本網記者攝

許志安： Hair: Seiko@HairCulture / Make up:Maggie Lee

蔡一傑： Hair: Jacky Ma @headquarters / Makeup: Will Wong

場地提供：好酒好蔡

除了爸爸，Jaime與媽媽和細佬感情都好好，平日一家人都會一同拍片玩。

張天穎（Jaime）早前推出全新廣東歌《低調》，更特別請來親爸爸為新歌featuring彈奏琵琶，Jaime指新歌《低調》的構思是來自爸爸經常教她做人要「低調」，因而有感而發，將爸爸教導的「低調做人，高調做事」寫成一首歌。

本網記者攝

Jaime早前推出全新廣東歌《低調》。

Jaime表示：「Instagram啱啱出嘅時候呢，我都成日share好多自己生活上嘅點滴、moments上去，咁每次影到爸爸嘅時候呢，爸爸都會對住個鏡頭就講：『唉，低調啦，低調啦，唉，唔好post我啦』咁樣咁樣，之後佢就話『低調做人高調做事呢啲唔使影我咁多㗎啦』，所以佢就有一個口頭禪就叫做『低調』啦。」

觀看相關影片按連結：https://youtu.be/rr0x8bu0nrw?si=S68ZmC5J0UR-b0Yh

本網記者攝

今次會邀請爸爸一同合作，原來Jaime一直有和爸爸Jam歌，爸爸彈琵琶，她彈結他及唱歌，曾中西合壁cover過AGA江海迦的《小問題》及BLACKPINK的《How you like that》，「我又覺得其實都幾得意啊，聲音上聽落，所以我就覺得會唔會，整一首咁樣嘅歌呢，咁我又想試下feature爸爸嘅talent，所以就膽粗粗問佢，因為佢不嬲低調，佢好難出鏡㗎其實，佢就肯咗囉，因為就係彈琵琶，即係通常其他佢唔肯，但係琵琶係一樣佢都好鍾意嘅音樂啦，佢都係中學開始彈琵琶，所以我諗佢都鍾意表演嘅，咁所以佢就『好啦，彈琵琶就幫你一次啦！』」

Jaime一直有和爸爸Jam歌。

曾壁cover過AGA江海迦的《小問題》及BLACKPINK的《How you like that》。

BLACKPINK的《How you like that》更是全家出動。

全家都玩得好投入。

問到與爸爸合作會否特別緊張？或者爸爸又會否特別緊張？Jaime直言完全不緊張，反而好興奮，因為一家人的關係一直好似朋友，平日都會一同拍片玩，但就擔心歌曲和MV推出後的回響，擔心爸爸會被負責留言影響，所以會先給爸爸心理準備，並和他說：「唔使理㗎，你have fun就得㗎啦，我哋盡力行好，盡力做好，你have fun就得㗎啦。」

Jaime對和爸爸合作完全不緊張，反而好興奮。

爸爸都樂在其中。

本網記者攝

Jaime亦覺得爸爸完全不緊張，而且好快上手，「佢都幾好、都幾玩得啊，錄琵琶嘅時候就因為係喺我自己studio錄嘅，之前都有同佢合作過，佢都喺我studio度錄緊音，所以佢就應該好舒服嘅啦。」Jaime又笑指爸爸在MV中對自己的衣著和髮型都有想法，但和造型師討論後，他亦會接納其他人的意見，「所以佢（爸爸）又冇緊張，我反而覺得佢幾have fun嘅。」

Jaime覺得爸爸亦完全不緊張，而且好快上手。

又笑指爸爸在MV中對自己的衣著和髮型都有想法。

至於其他家人，Jaime笑指當家人知道爸爸要上鏡，「好早就問我爸爸做咩衫呀？使唔使剪咩頭髮呀？化咩妝呀？」因為家人知道拍攝時間好緊張，就算有一個月時間準備，可能到最後計劃依然有變，所以一早做了很多準備。問到其他家人會否都會想合作？Jaime就表示媽媽和弟弟都比較低調，「我細佬讀緊書啦，我媽咪就真．低調啦，佢係怕醜添，唔係好鐘意出鏡嘅，仲罕有過爸爸，所以嗰一日拍BTS嘅時候，有鏡頭對住佢，佢都話：哎唔好啦唔好影我啦，影爸爸得啦』」咁。」

本網記者攝

本網記者攝

提到有和全家人一同拍片，媽媽除了有上鏡，還哼了幾個音讓Jaime創作出一首歌《LIAR》，Jaime表示：「我有一個series叫做《本故事不純屬虛構》，咁就係有街訪、有問唔同嘅人、有唔同嘅artist朋友啦，同埋屋企人我都有叫佢哋玩埋一份嘅咁樣，我係make sure咗佢哋OK，我先出條片嘅，咁咁啱因為媽咪話：『好啦，我又想玩佢咁樣』，佢自己講喎，『我使唔使畀幾粒音你啊』，佢講吓笑咁講，我話可以㗎，你肯唔肯啊？佢話：『好啦』，咁樣佢就畀咗啦。因為佢哋畀我㗎嘛個inspiration，所以我作好嘅時候呢，我就諗住播翻俾畀佢哋聽，睇下佢有咩feedback。」

Jaime有一個短片系列，叫《本故事不純屬虛構》。

其中她用了媽媽提供的幾粒音創作出《LIAR》。

問到今次和爸爸正式合作後，會否想再與家人，或與男朋友Ansonbean合作？Jaime笑指想和弟弟合作，「其實如果今年全部同屋企人合作都幾搞笑嘅，但係如果同男朋友就呢個順其自然啦，我覺得每人今年都有一個timeline，我自己都有一個小目標，我就係想希望呢一個series出30集嘅，最尾就揀8至9首歌嚟整一個album，所以都係一個幾繁忙嘅timeline，咁佢（Ansonbean）應該都自己有自己嘅timeline，如果夾到嘅話都唔排除嘅。」

Jaime話同男朋友Ansonbean合作順其自然。

不過，Jaime新歌推出後，都有同男朋友Ansonbean拍dance challenge。

提到《本故事不純屬虛構》這個系列，Jaime透露30集的內容及歌曲都已構思得七七八八，只是未拍片及剪片。除了拍片，Jaime今年亦計劃出碟，「因為我覺得30首歌，你再揀8、9首，話難唔難，但真係要用時間去做，而我覺得8首歌嚟講，如果我又有啲想拍MV呢，其實都真係差唔多，如果好彩嘅話，就睇下會唔會開一個mini concert，但係我覺得album為主，我覺得可能今年都爭啲啊，我驚係要橫跨到出年先可以推出到，所以我諗目標就係真係推出到個album先。」如果成功舉辦個人小型音樂會，她都希望邀請爸爸上台一同表演，「呢個係我夢寐以求嘅夢想啊，但係佢好低調啊......你唔知佢諗咩㗎，可能佢嗰一刻覺得：『唔好啦唔好啦，你第一次個唱，個光芒留畀你啦』，或者『嘩，你第一次過唱梗係要上台啦！」要睇下佢嗰陣時嘅狀態係咩囉，但係我一定會邀請佢。」

本網記者攝

本網記者攝

Jaime

髮型：Prudence @ Artify Lab
服裝：Sandroparis
造型：Natalie @ Fameglory
場地提供：怡紅院火鍋料理