孖張繼聰騷麒麟臂 羅仲謙努力變返大隻仔

張繼聰最近同「巨胸消失了」的羅仲謙齊齊做Gym，並在社交平台上上載合照，只見羅仲謙有返晒自信騷強勁臂彎，網民紛紛讚「靚仔」、「超大隻」。

羅仲謙同張繼聰展示爆肌身材。

男星愛操肌做大隻佬，擁有巨胸、麒麟臂立即自信爆棚，影相都要著少塊布展示爆肌身材。而張繼聰年前成功升呢為大隻佬，近期再加操，麒麟臂茁壯成長，手臂粗過囡囡張靖頭圍。

張繼聰手臂粗過囡囡頭圍。

羅仲謙早前自認巨胸消失了。

巨胸羅仲謙的全盛期。

兩大型男鬥身形

張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！

張繼聰經常騷肌

肌肉幾勁！

Bosco都好Fit

張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。

兩大型男首次健身房相遇！

張繼聰自認有機心！