佘詩曼出席兒童慈善步行籌款活動，用錢又出力，還以「佘詩曼工作室」名義捐出10萬元支持泓福慈善基金。
對於捐款贊助，阿佘坦言覺得好幸福，好多人不知道肚餓的感覺，不過低收入家庭的小孩吃不夠飽好慘，因為小朋友是未來棟樑一定要強壯，又直認本身有定期捐款，應該盡力回饋社會。
阿佘出席兒童慈善步行籌款活動
談到拍檔黃子華一向支持慈善活動，阿佘稱未有跟對方溝通過合作為慈善出力，認為各自做也可，或者新片上映時可以構思一下。提到跟子華主演的賀歲片《棟篤特工》海報被指仿效《鐵金剛勇破海龍幫》，阿佘笑說：「那個不是我，我靚啲！我去到時已經影完，有詐形㗎！不過佢影先，效果幾好，呢個純粹搞笑，今次第一張海報，之後我會有份影，形態上都性感好似樹熊鉗住子華。」
阿佘影新片海報係鉗住子華，冇露股又露腿。
提到古天樂拍戲受傷眼球縫8針，問到是否要包攬電影《常在你左右》宣傳工作？她說：「唔可以咁講，本來佢要去1日，嗰日去唔到囉！但本身都要去嘅。」
比起海報的露股女郎，阿佘自認個Pat Pat更靚。
