為趕入列車竟阻車門關上,霸道乘客向職員大聲表示:「我點會阻住晒全部人啫!你唔好咁牙X擦擦!」
港鐵紅磡站昨日有乘客為趕上一列東鐵線列車,用手挽物品阻礙車門關上,結果車門只夾著膠袋小部分,要由港鐵職員協助取出。
從事發片段所見,車門疑只夾著少部分膠袋,未有感應到所以沒有自動打開,要由月台職員協助。一名月台助理嘗試拉開車門,另一名職員則取出物品。而當時港鐵發出廣播,指由於有人按動月台工程掣,列車服務稍為延遲。
該列車最後因此延遲了最少兩分鐘才開出,男乘客取回物品後,一名港鐵男職員示意他「行入啲」站回黃綫後,但男乘客不滿職員太大聲,「你大聲啲添吖!」
男職員接著問他為何要用物品擋著車門,「你搭遲一班得唔得?」結果男乘客反問:「我點解要搭遲一班?你點知我搭遲一班得唔得呀?」最後又說:「我搭遲兩班都得!講埋比你聽,你唔好咁牙X擦擦!」他隨即問該男職員的姓名和職員編號。
期間有兩名職員將兩人分開,其中一名職員則對男乘客表示車門關上時,不應衝入車廂,但男乘客辯稱只是用物品阻擋一下,「唔得道門開返我咪可攞返出嚟囉!」職員則解釋,他的做法耽誤了全車乘客,但男乘客反問:「我點會阻住晒全部人啫!」
職員又解釋「你頂住道門」,惟男乘客反駁:「佢閂就閂架啦!」此時,月台上一名男子稱目擊事情經過,稱是該名男乘客在車門關上時仍照衝「將個袋發入去」!
不少網民都留言讚港鐵職員做得好,並批評該男乘客行為,「佢一個自私行為影響好深遠,下一班又遲,訊號燈又要改」、「恃老賣老,自私到爆」,有人就指自己「就算坐唔到呢班火車都會等下一班車」,另有網民提供方法,「教佢下次唔好用個袋,用佢個頭,夾住佢個頭就梗開比佢啦」。