無懼飲食節目有比較 肥媽自讚廚藝精寵壞老公

如果真的與鼎爺crossover的話，相信觀眾也會很期待！

肥媽自讚廚藝，更說要在下輯《食平D》系列中分享御夫心得。

今年肥媽的《食平D》系列跟李家鼎的《阿爺廚房》繼續成為TVB王牌飲食節目，問到新一輯的《食好D 食平D》如何突圍時？肥媽答得淡定：「各有各做而已，男有男煮，女有女煮，細佬有細佬煮，飲食節目最能捆綁到一家人，可以成為長壽節目，而且每人煮食方法唔同，而我最緊要係簡單同快手，每個菜10分鐘左右起貨。」肥媽更表示，有機會的話不介意來個crossover！

10分鐘之內煮好一道菜無難度！

最近肥媽和陸浩明再次「合體」主持《食好D 食平D》，《食平D》系列做到第7輯，因為今輯配合商品多用了小電器，所以要更花心思，「我由細當家煮飯煮到大，煮飯冇特定框框，用甚麼來煮都可以，可與時並進。計落我做了20年飲食節目，夾埋煮了幾千個餸，但仲有無限創意，都要多謝來自唔同國家好似台灣、葡國及印度等地的屋企人經常回來共聚，功多藝熟練得一身好武功。」

《食平D》系列長做長有，監製張志明及編審Jacky功不可沒。

肥媽照顧老公好周到。

肥媽忽發奇想：「下輯《食平D》系列可以針對偏食嘅人做飲食篇，好似我老公係食肉獸，但少食菜，我就用生果同菜打爛做汁畀佢飲，又會煲齋湯，菜心要撕皮等，盡量等佢可以食多啲纖維，久而久之我寵壞晒佢，搞到佢食得嘴刁，佢現在不肯出去食飯，試過去西餐廳，飯後想見大廚投訴菜心唔撕皮、全熟牛扒好『鞋』，叫大廚出來向他老婆請教喎，真係俾佢激死，做女人咁有利用價值係好事，佢甚至獨自外出用餐都會影低餐牌打俾我問：『老婆食乜好？』其實做女人做返女人嘅嘢，亦俾機會男人做佢崗位嘅嘢，所以我唔會拎重嘢，出入由老公車，御夫呢方面我都好有心得，下次可以邊煮飯邊提供。」

肥媽和契仔6號最喜歡去街市買平靚正食材。

早年肥媽在有線《肥媽私房菜》中食住訪問賭王何鴻燊及三太陳婉珍一家。

「樂壇風紀」甄妮今次講咁多嘢，似乎幾㷫喎！

有「樂壇風紀」之稱的甄妮，早前發文為《 #中年好聲音2 》的譚輝智抱不平，狠批奪冠的古淖文 「油膩誇張」，事件引來節目其中兩名評審周國豐和伍仲衡回應。

甄妮向伍仲衡及肥媽開火。

二人日前做網上節目時，伍仲衡突然突然撩周國豐講八卦：「講啲cheesy（俗）啲嘅嘢，有人攻擊我哋節目《中年好聲音》。」周國豐表示：「嗰個都係我好尊敬嘅前輩嚟。」及後伍仲衡就爆料：「我聽好多佢啲嘢……唔找數嗰啲，真係呀，好多Friend同佢做過嘢，你都知我識幾多人做演唱會啦，個個都識咁滯，同佢做過好多騷，我啲friend唔會呃我。」周國豐就好謹慎，指指控好嚴重：「我又未聽過呢樣嘢。」伍仲衡有點激動說：「咁佢唔會唔找畀你吖嘛！同佢做完演唱會啲人收唔到錢嘛，我聽咗十幾廿年。」

伍仲衡指有朋友跟「某人」做騷後，疑發生唔找數事件。

伍sir續指行內好多人講「攻擊者」壞話，指對方風評好差！

甄妮日前又再在社交平台出post：「邊個出聲，邊個就係衰人。RAPE DRUG. RUDES.HAMEFUL.SHOUTING HIDING DRUGS。No MANNERS.（強暴、毒品、粗魯、可恥、大喊、大叫、藏毒、冇家教）全部都該「LIT IIT GO ｣ （由得佢）是這樣嗎？」之後佢再點名「阿伍」留言：「阿伍不對的事情，反覆炒作繼續加油添醋，一把年紀了仍分不清「對錯」唉！駡都懶得駡你了！套一句『流量比較重要』你的廢龍要打屁屁了。」

甄妮開Po反擊。

甄妮更火燒另一評判肥媽：「只有一次交集：瑪莉亞小姐向我借耳環上秀，結果有去無回大丈夫🤣🤣人品如何請仔細想想🤔別懶，有証人🤣🤣也不用還了，送你慢慢用吧！🤣🤣」然後又謂：「既被諷為風紀，粗重嘢就交給我做吧！那個台該看，那個台不該看，我會向大家報告！你們都去忙吧！🤣🤣🤣🤣🤣🤣不用客氣😇」。

燒埋肥媽借嘢唔還。

甄妮留言。

她意猶未盡再說：「自古以來，尊師重道是基本準則，怎麼到了媒圈就變成罪悪？好 好 好 隨你們吧！小心迴力鏢🤣」、「有意見的人，是不是封面講的項目，也有你的份？？要不然眛著良心，拼命的顛倒是非拼命維護，我不得不懷疑嗯．．．．🤔算了算了😐教不好的🤣🤣🤣」。「現在天氣晴朗 快點再去通陰溝囉！」最終她忍不住反駁：「阿伍台把不正確的舊新聞，反覆炒作繼續加油添醋，一把年紀了仍分不清『對錯』。唉！講都懶得講你了！套一句『流量比較重要』🤣🤣🤣你的廢龍要打屁屁了🤣🤣🤣。」、「父母教100句好，不及『偶像』講半句，公衆人物的影響力不可言喻！」、「等你做父母時體會吧！」。

甄妮火燒另一評判肥媽！