如果點擊破30億，定欣會有什麼表示呢？
胡定欣、馬浚偉及黃心穎出席《宮心計2深宮計》宣傳活動，定欣在劇中有懷孕戲份，指劇情發展頗為慘痛，又笑指希望現實中可以比劇中生多幾個孩子。馬浚偉預告劇情好殘忍，呼籲這兩天狂風暴雨大家留在家中看電視。
胡定欣、馬浚偉及黃心穎出席《宮心計2深宮計》宣傳活動。
目前《深宮計》在內地平台的點擊率已突破9億，定欣說明天（8日）開始可能有10億，馬浚偉曾承諾若達10億點擊會放裸照上網。他笑言已準備一張他未滿一歲的全裸照，重要部位有鴨仔遮住，又說過若有30億點擊率，將公開與定欣的床照。
定欣則覺得不用等到大結局，點擊率都可攀上30億。提到最近二人忙於宣傳及排舞台劇，馬浚偉大讚定欣表演昆曲及水袖舞很好，定欣認為對方要求低，亦希望可以現場唱昆曲。
胡定欣（網上圖片）
另外，馬浚偉表示會出席林燕妮的喪禮，他透露見林燕妮最後一面時傾談接近一小時，當時林燕妮臉色紅潤很漂亮 ，大家相識超過20年，一直稱呼林燕妮為貴族。他覺得人總要離開，會用平靜的心情出席林燕妮的喪禮，希望對方在天家與家人團聚，他遲早亦會到天國相聚。
胡定欣、馬浚偉
《新城體育會》再出動打羽毛球！
《新城體育會》昨日（4月24日）舉辦了第三次羽毛球活動，新城廣播有限公司首席營運總監馬浚偉帶領「新城羽毛球隊」，邀請歌手郭偉亮（Eric Kwok）、黎展峯（Andy）及龔柯允（Karen）齊齊打羽毛球揮灑汗水，而新城知訊台台長程凱欣亦首次落場，獲得馬浚偉大讚台長：「打得好好喎！」台長更貼心地一直陪著自嘲來執波的龔柯允打波，馬浚偉更鼓勵Karen：「肯出嚟做運動，出身汗，已經好好啦！」
《新城體育會》昨日（4月24日）再出動打羽毛球。
郭偉亮打波反應快 但自言冇乜耐性
眾所周知Eric Kwok熱愛滑雪，但他其實同樣熱愛羽毛球，Eric Kwok表示：「我個幾禮拜就會打一次羽毛球，都打咗十幾年，啱啱返香港時成日同趙增熹一齊打，嗰時操得好勁，一星期打兩三次，又有教練教，但自從做咗XiX經理人之後就冇再打。」他解釋因之前打羽毛球拉傷膊頭，故休息了兩個月沒再打。
今次是Eric Kwok相隔十年再跟馬浚偉打羽毛球，他憶述：「我記得大概係十年前，有個唔知咩比賽同馬生打過一次，印象中佢打得好好，佢又高，有晒打羽毛球的身形。」問Eric Kwok有甚麼絕招？他笑言：「絕招就係好快打完，我冇乜耐力，但反應快，始終都係要練習。」
Eric Kwok同陳奕迅（Eason）老友鬼鬼，二人亦經常相約打波，他表示：「佢本身係打網球，我有一排都同佢打羽毛球，佢都打得好好。（邊個勁啲？）網球佢勁我好多，因為佢主力打網球，羽毛球我打得耐過佢，有時會教佢，但最主要我哋玩雙打好開心，我哋好夾、好有默契，又唔會爭波打，唔會在乎輸贏，同佢打波好開心，佢成日笑。」
黎展峯小時候獲任職羽毛球教練外公教授羽毛球技。
嬌小龔柯允原來是籃球健將，馬浚偉承諾稍後安排打籃球。
黎展峯靠做運動減壓 最近學耕田
黎展峯（Andy）球技似模似樣，他透露小時候獲任職羽毛球教練的外公教他打羽毛球，所以自小已打羽毛球，他笑言：「我身高183cm，係高度取勝，唔打得都睇得，但技術要再鍛鍊，平時都會約同公司的歌手黃明德打籃球，當自己有壓力或者想抒發吓就會做運動。」而近日他更一嘗耕田滋味：「我朋友有個地方自己種菜，唔係玩盆栽仔嗰啲，真係有塊田要除草、翻土，成件事身心都好健康，本來以為好易，但原來要用晒成身，仲辛苦過跑步。」
龔柯允自嘲來執波 興奮獲馬浚偉承諾安排打籃球
至於龔柯允（Karen）則自嘲是來「執波」，她稱：「我係鄉下式打法，完全冇技巧可言，所以過嚟執波，或者搵Eric sir教我。」不過身形嬌小的龔柯允，原來是籃球校隊，她笑稱：「如果唔打會更加矮，同埋因為高度問題，冇辦法落場，雖然爸爸係籃球會主席，但佢唔會因為咁偏心我，反而自己會游水、跑步、踩單車，練吓肺活量，對唱歌好有幫助。」馬浚偉並向她許下諾言，稍後安排打籃球，Karen聽到後，十分興奮表示一定報名出席！
郭偉亮自爆打波絕招……就是……好快打完！
馬浚偉與郭偉亮、黎展峯、教練Arthur玩雙打。
