見到都覺得凍......
歌手蘇慧恩（Ophelia）早前到日本關西拍攝慈善旅遊書，為苗圃行動幫助緬甸建學校籌款，順道為廣東新歌《小街燈》拍攝MV，新歌的CD更收納於她所著作的慈善旅遊書內，希望大家一邊聽歌，一邊欣賞美景。
新歌《小街燈》的國語版為《多少日子》，同樣會收納在旅遊書內。
新歌MV在關西白鬚神社的水上鳥居航拍，Ophelia在只得攝氏9度天氣下穿著大露背紗裙下海拍攝，她笑言：「我平時好怕凍，但今次為可以喺靚景拍攝，辛苦啲都唔怕，不過因為我落水之前冇做熱身運動，直接跳落水，點知落水唔夠20秒，我已經忍唔住跳番上水，因為雙腳麻痹哂，對腳好似唔屬於自己咁，上水之後要不停跳幾分鐘，熱完身再落水先至好少少，但係我都不停在水中打冷震，幾乎要靚唔要命！」
她笑自己幾乎要靚唔要命！
Ophelia 表示：「今次拍攝真係要唱陳奕迅首《歲月如歌》，尤其係『天氣不似預期，但要走，總要飛』呢句歌詞真係好啱形容今次呢個旅程，本來計劃今次行程好鬆動，可以順道拍埋MV，冇諗到去6日，有3日都落雨，仲係又雷又雨，當時心情真係好灰，最後因為天氣太差，MV最終都拍唔晒，我哋都要返到香港再坐船去澳門補拍，好彩最後MV製成品出來效果唔錯。」
