滑住水唱《將冰山劈開》 許志安孖KB放笑彈

下次安仔可以真唱！

許志安與李健宏（KB）齊齊出海滑水，鬼馬的KB試過Cosplay戰隊、外賣仔造型滑水，今次遇著安仔又有新玩意，七情上面咪嘴唱梅艷芳同安仔的經典金曲《將冰山劈開》。安仔邊滑水邊咪嘴唱歌，Chok到爆！

許志安同KB出海滑水，玩咪嘴唱《將冰山劈開》。（影片截圖）

影片截圖

影片截圖

KB開心留言：「仲玩抖音？ 點會估得到可以同最貼地歌手安仔合唱呢首經典，同埋點會估得到佢會陪我癲！許志安我愛你！」網民都激讚搞笑又玩味十足。

KB（影片截圖）

影片截圖

許志安好耐無接受深度訪問。

由黎芷珊主持的TVB新節目《芷珊約您》即將開播，其中一集邀請到許志安做嘉賓，於日前播出的預告片中，許志安被問及安心事件時，並沒有迴避，並直指是「一世嘅傷疤」。

安心事件發生後，許志安曾沉澱3年

新節目以世界各地的演唱會為主題，追訪香港歌手到各地開騷的背後故事。其中一集黎芷珊跟隨久未有接受深度訪問的許志安到澳門開騷，見黎芷珊問許志安：「你最灰嗰段時間，你對自己將來嘅事業仲有冇期望呢？」安仔認真回答﹕「唔夠膽講期望！啱啱呢個演唱會，我覺得最大唔同嘅係，即係我覺得初心係好重要，就算而家個台有幾細，我都唔怕，總之一響聲，我就有信心唱得最好。」當黎芷珊又問許志安有甚麼說話要跟十年後的自己講，許志安即說：「其實你好幸福！」被問到2019年的「安心事件」對他影響有多大時，許志安凝重地指：「一世嘅傷疤嚟㗎！」

黎芷珊跟隨許志安開騷

許志安直言「安心事件」係一世傷疤

2019年許志安與黃心穎出車廂激吻「安心事件」，事後許志安開記者會含淚道歉，暫別3年後正式復出，並到美國及新加坡等地開小型音樂會，仍獲大量歌迷支持。

復出後到美國及新加坡等地開小型音樂會

復出後仍獲大量歌迷支持