娛圈事
媽媽真偉大！
鍾嘉欣今日（6日）開心宣布囝囝「Jared Anthony Leung」出世了，稱囝囝是健康的大隻B，重7磅14安士，與大女Kelly剛出世的樣子十足餅印，並表示今次是選擇在家中自然分娩，所以感覺很難忘。
網上圖片
網上圖片
嘉欣分享生B感受：「佢好多好多頭髮、好似家姐Kelly，我哋全家都講笑話好似生咗龍鳳胎，Jared同Kelly真係好似樣。今次生BB順利，不過好痛好痛好痛，最特別係今次選擇喺屋企生，因為加拿大係好支持自然分娩，我好感恩好幸運搵到一班好好嘅助產士，佢哋好專業畀咗好好嘅情緒支持，又教我用方法令生BB過程更加順便、安全。聽自己嘅身體去生BB，我覺得呢種感覺係好empowering，所以選擇呢個方法生BB喇，係好難忘嘅經歷。」
網上圖片
最後，嘉欣還表示現在她要坐月和照顧一對仔女，「因為突然之間多咗個BB，要擺多啲時間喺Kelly身上。好希望快啲介紹阿仔畀大家識，好希望快啲見到大家，多謝所有朋友祝福。」
網上圖片
鍾嘉欣在IG貼出攬着三個仔女的慶生照，就算老公未有出鏡，鍾嘉欣依然笑得幸福！
鍾嘉欣（Linda）在2015年與脊醫Jeremy結婚後育有兩女一子，婚後她移居加拿大並大幅減產，將精力專注在家庭，陪伴仔女成長。4月9日是鍾嘉欣的40歲生日，她在IG貼出慶生照，雖然老公未有出鏡，但在三個仔女的陪伴下，鍾嘉欣依然笑得幸福！
鍾嘉欣一家五口。
鍾嘉欣一向以家庭為先。
鍾嘉欣為仔女學滑雪。
今年，鍾嘉欣已經可以陪老公仔女一齊滑！
相中可見鍾嘉欣戴著生日帽，又攬着三個仔女，與插着數字「40」蠟燭的蛋糕合照，其中一張大女Kelly還向媽媽獻吻，冧爆鍾嘉欣！雖然已經踏入40歲，但鍾嘉欣一直都保養得宜，顏值與當年選華姐分別不大，依然好靚女！而兩個囡囡都遺傳了媽媽的美貌基因，越大越似媽媽，至於囝囝亦遺傳了爸爸強勁的基因，不但樣貌似爸爸，連頭髮的濃密程度都與爸爸一樣！
鍾嘉欣踏入40歲。
獲大女錫錫的鍾嘉欣甜入心。
三個小朋友顏值都好高！
鍾嘉欣還以英文留言：「我有我的家人和朋友，我們都很健康，我是世界上最幸運的女孩，為40歲乾杯！」不少圈中好友，包括王君馨、李施嬅、楊茜堯、陳茵媺、鄧佩儀、胡定欣、胡杏兒等都留言為壽星女送上祝福，網民亦紛紛留言祝賀，除大讚她完全不似已經40歲，又讚兩個囡囡同媽媽一樣靚女，「女兒和你一樣樣」、「第三張中間的小女孩好像嘉欣姊姊」、「Kelly越來越漂亮了跟媽媽好像」。
