搭巴士落車先按鐘是常識吧!
一名巴士車長指,有男乘客過了下車站才按鐘,反指車長沒有埋站,更認為「唔需要着燈」,應站站停,揚言要投訴車長。幸有另一名乘客挺身而出,稱目擊事發經過,樂意為車長做證人。事件在網上掀起熱議,有網民認為「如果要站站停,咁做乜要整個鐘啊?」
有網民昨在facebook群組「巴士的事討論區」發帖,指有乘客過站後才按鐘,「話做乜唔埋站!?」,反問「無人按鐘和揮手要站站停?」帖文附有影片,可見一名巴士乘客在指罵車長沒有埋站,但車長反駁:「無撳鐘,停咩呀?」;乘客亦堅持已按鐘,「明明見佢着燈」,隨後車長指對方是在過站後,落斜路時才按鐘,並解釋「巴士無站唔使停,無人揮手唔使停」。乘客則謂「得!我教識你......」,其後又稱要先影相,表明要投訴車長。此時,一名乘客則表示,目睹該乘客沒有按鐘,向車長稱他可以做證。
不少網民在帖文留言,指類似事件已不時發生,有人指「有乜理由等架巴士過咗個站之後先嚟按鐘㗎,事後個司機就梗係唔停比佢啦!」,有網民嘆:「地鐵咩。站站開門咩」、「小巴都要出聲,有落」,亦有人反問「如果要站站停,咁做乜要整個鐘啊?」