弱弱的問：這位女士又做甚麼高尚工作呢？
港鐵規定攜帶單車乘客須將單車「拆轆」或摺合，但部分乘客或會無視規則。有港鐵職員發帖抱怨，指曾有中年女子推着單車入閘，於是上前提醒對方要拆轆，結果女乘客竟豪言「我架車呀，都唔知你幾多個月人工呀」，職員回應對方「你被人呃關我咩事」，結果遭辱罵「廢人先會做呢啲垃圾工」。職員的回應獲網民大讚「神回」，另有人斥女乘客「影衰晒單車界」。
職員發帖抱怨。
該職員早前投稿至Facebook專頁「西客之道 HIspitality Secret」，指曾遇過一名身穿整副武裝「中女單車X」，推着「靚靚單車」入閘。樓主遂開廣播提醒乘客「單車入閘要拆轆喎」，但對方扮聽不到。樓主遂上前攔截她，並再要求拆轆，結果對方竟說「拆咪拆囉你咩態度呀？」樓主已表示多謝合作，但女乘客仍說：「我架車呀，都唔知你幾多個月人工呀！」
職員開廣播提醒乘客「單車入閘要拆轆喎」，但對方扮聽不到。資料圖片
樓主聞言淡定回應：「你畀人呃關我咩事？」女乘客隨即反擊，「你呢啲咁嘅廢人先會做呢嘅垃圾工，你慢慢坐啦你」。樓主也冷靜回覆，「你慢慢搬啦你，車站人多你小心啲喎」。
港鐵規定攜帶單車乘客須將單車「拆轆」或摺合。資料圖片
帖文在網上掀起熱議，不少網民批評中年女子自私，「呢啲人咁既態度真係影衰晒單車界。狗眼看人低」、「有錢唔好搭鐵吖笨」、「幾多個月人工唔係重點，重點係規例要拆」。另有人讚樓主是盡責職員，其回應「你俾人呃關我咩事？」是神回覆，又建議下次可直接待她入閘後出告票。
