工藤佑采再次發揮敢言本色！
今屆的落選港姐工藤佑采因被淘汰後還要伴舞，「黑面」做佈景板引起討論，之後被師姐黃心穎批評她的做人態度，在網上引發一場罵戰。工藤「敢言」作風停不了，她又在instagram上評論早前馮盈盈「港姐公廁論」事件。馮被莊思明批評用字cheap，工藤就力撐馮盈盈，認為只是覆述事實，同cheap無關。
資料圖片
前港姐冠軍馮盈盈早前在無綫節目《#後生仔傾吓偈》中大膽講出：「我哋(港姐)嫁有錢人就會俾人話，睇死佢啦，想吊金龜啦，係雞係公廁」，之後被2010年的港姐季軍莊思明批評她影響港姐形象和用字太Cheap。
工藤佑采指馮盈盈太真實。網上圖片、資料圖片
資料圖片
工藤就在ig貼出近期的相關報道，並力撐馮盈盈留言指：「其實馮盈盈都只係講有部分人對於港姐如果嫁有錢人會被人批評 (睇死佢釣金龜）、（係雞）、（公廁）等等難聽說話！佢都只係覆述事實 ，又不是發表個人睇法！可能言語上身為一個港姐係有點大膽，但係同cheap好似點都拉唔上關係！ cheap嘅定義唔係應該係無啦啦又冇得罪你，又冇話你，但是你自己又話人哋在先咩？之前拍後生仔傾吓計有見過馮盈盈，其實我覺得都幾靚幾可愛，係講嘢有點太大膽，同埋太真實，會令有部分想發夢嫁人接受唔到！哈哈，好彩我比賽之前同男朋友分咗手，如果唔係可能都會比部份人話我（睇死佢釣金龜）、（係雞）、（公廁） ! 支持FYY做自己、唔帶假面具做人！」
網上圖片
有網民就留言，支持工藤的說法和馮盈盈，又指「都係人嚟，講依啲都正常嘅，咁就要俾人話，依個世界係要咁假去做人」、「保持真我，繼續努力，加油！」
