周潤發獲中美電影節封帝多謝阿城一文一武相得益彰

娛圈事

周潤發獲中美電影節封帝多謝阿城一文一武相得益彰

2018年11月01日 21:10 最後更新：21:21

發哥好嘢！

周潤發憑《無雙》奪《第14屆中美電影節》影帝，他回應得獎感受時，稱：「首先要多謝導演莊文強，監製黃斌，畀個咁好嘅角色我，我從演以嚟未見過一個咁特別嘅角色，非常之開心；多謝阿城（郭富城）演得咁好，因為呢個角色如果冇佢，就冇我第二面嘅周潤發，呢個畫家呢就唔好睇嘅，一文一武相得益彰。」當然發哥還感謝大會頒這個獎，及觀眾愛戴。

往下看更多文章

被林家棟亂摷褲袋任賢齊高呼制止男男曖昧

2024年02月21日 22:00 最後更新：22:36

2024賀歲鉅獻《臨時劫案》口碑極佳，杜琪峯大讚是「本年度最好睇賀歲片」

由爾冬陞監製、麥啟光執導兼編劇、陳偉斌編劇，郭富城、林家棟、任賢齊及張可頤領銜主演的賀歲電影《臨時劫案》，上映一星期多，獲不少影評人及圈內外觀眾激讚，除故事笑中有淚、「講多謝」同「Sorry 」不自然被洗腦外，戲中每個角色更是鮮明突出，是香港底下層縮影，加上全片香港不同地方拍攝，是久違了的香港特色電影，就連殿堂級導演杜琪峯亦拍片大讚《臨時劫案》是本年度最好睇的香港賀歲片！

《臨時劫案》的導演兼編劇麥啟光，在杜琪峯多部電影中擔任過執行導演，作品包括《奪命金》、《毒戰》和《盲探》，作品均有高水準，所以有不少影評、觀眾形容《臨時劫案》甚有銀河映像風格，不少地方是向杜琪峯致敬，好像故事以三個廢中窮途末路，被逼上梁山一齊打劫的荒謬喜劇，拍出了銀河映像的宿命論；還有電影中一段兩袋錢不翼而飛的「錯摸」情節，亦是銀河映像特色。

銀河映像的揸fit人又出名對團隊嚴格的杜琪峯導演，日前為《臨時劫案》捧場，事後特別拍短片，給予幾位徒弟評價，杜琪峯說：「啱啱睇咗麥啟光、阿斌（陳偉斌）、阿澄（萬芫澄），三個人搞嘅片，我覺得算係咁啦⋯⋯要討論就好多地方嘅！但最少一樣嘢係，本年度香港賀歲片，我諗呢部算係最好睇。」

另外《臨時劫案》中飾演「笠水」的家棟與老死「冇用輝」小齊一場對手戲，劇情交代二人同被綑綁雙手雙腳，被困在的士又黑又擠迫的車尾廂中，二人咫尺距離，家棟仲要伸手猛摷小齊的褲袋尋找手機求救，小齊回想：「車廂好細，逼到大家嘅呼吸都感覺到，導演仲想有我哋有曖昧感，要我用口幫家棟撕走黐係口嘅大力膠布，同家棟口水都交換到，佢隻手又亂摷，我忍唔住叫咗吓唔好，拍完一晚感覺全身都散晒。」