林敏驄笑說：「觀眾鍾意睇Bob被打嘛！」
59歲的「鬼才」林敏驄首度自編自導自演賀歲電影《如珠如寶》，找來張繼聰、林盛斌（Bob）及「鬼馬五福星」洪金寶、泰迪羅賓、梁小龍、吳耀漢及林雪演出。開工第一日拍攝重頭戲「喪屍浴蒲團」，林敏驄要求35E「導彈胸」莊端兒穿上細碼比堅尼在戶外浸浴兼畀喪屍圍攻，混亂間阿Bob更被張繼聰摑完又踢，曾跟Bob傳不和的林敏驄「奸計得逞」笑說：「觀眾鍾意睇Bob被打嘛！」
點擊看圖輯
林敏驄笑說：「觀眾鍾意睇Bob被打嘛！」
林敏驄安排阿Bob畀張繼聰摑完又踢，現場聽到啪啪聲，力度唔輕。
當日一眾演員在經典猛鬼地元朗達德學校拍通宵戲，泰迪羅賓大讚莊端兒：「係正常男人都會流晒鼻血啦，點會唔流啫！」在旁的「人夫」張繼聰即刻彈開，目不斜視說：「我近視睇唔清楚，而且唔想令穿得性感嘅女演員尷尬，都係坐開啲好。」對於混亂間被推跌，Teddy話有地墊護身，不怕傷了老骨頭。
林敏驄大讚阿聰係好演員，工作非常認真，會將劇本口「食」落肚。
浸水浸足三小時的莊端兒搞到全身皺晒皮，要飲熱水暖身，雖然怕凸腩所以連飯都不敢食，但她不覺得是受虐，「劇組好好，佢哋怕我冷親不停加熱水，而且同一班前穿合作好好玩，佢哋身經百戰望過唔少女仔，喺佢哋面前著泳裝演出都唔會尷尬。不過，唔知點解套泳裝係細size。」問到會否想接葉子楣及李莉莉捧成為新一代搞笑肉彈？莊端兒強調只要好玩就無所謂，最好有更多更多報酬。
拍完當日戲，Bob在社交網上載手臂和小腿有瘀痕的照片，並留言：「藍猛衝，第一日你開工啫，已經搞到咁嘞喎，又話係開開心心嘅笑片…」去年林敏驄曾於TVB節目掌摑阿Bob而傳不和，難怪有網民話阿驄這次公報私仇。當晚林敏驄不但要張繼聰掌摑阿Bob，還伸他一腳，林敏驄笑言：「佢抵打，觀眾會睇得好開心！我已book定水鬼隊畀佢再拍跳崖戲，佢畀巴士撞完就跌落崖，但唔好問我個崖有幾高，做人遲早要走㗎啦，要轟轟烈烈咁走。」
跳崖當日阿Bob向林導展示傷勢。
對於是否公報私仇？林敏驄話：「哈！我唔使郁手嘅。」至於阿Bob就強調二人無心病，反而多謝林敏驄邀請令他們擦出「火花」。對於染指影圈，林敏驄強調自己點石成金，撈乜都得。首次執導好滿足，因為要演員做什麼都可以，即使面對強勁賀歲片對手都零壓力：「對手喺自己度，對得住自己就得啦！」
重頭戲「喪屍浴蒲團」中，35E莊端兒要畀飾演喪屍的阿Bob等人圍攻。
林敏驄安排阿Bob畀張繼聰摑完又踢，現場聽到啪啪聲，力度唔輕。
當日一眾演員在經典猛鬼地元朗達德學校拍通宵戲，泰迪羅賓大讚莊端兒：「係正常男人都會流晒鼻血啦，點會唔流啫！」在旁的「人夫」張繼聰即刻彈開，目不斜視說：「我近視睇唔清楚，而且唔想令穿得性感嘅女演員尷尬，都係坐開啲好。」對於混亂間被推跌，Teddy話有地墊護身，不怕傷了老骨頭。
泰迪羅賓大讚莊端兒身材正。
林敏驄大讚阿聰係好演員，工作非常認真，會將劇本口「食」落肚。
浸水浸足三小時的莊端兒搞到全身皺晒皮，要飲熱水暖身，雖然怕凸腩所以連飯都不敢食，但她不覺得是受虐，「劇組好好，佢哋怕我冷親不停加熱水，而且同一班前穿合作好好玩，佢哋身經百戰望過唔少女仔，喺佢哋面前著泳裝演出都唔會尷尬。不過，唔知點解套泳裝係細size。」問到會否想接葉子楣及李莉莉捧成為新一代搞笑肉彈？莊端兒強調只要好玩就無所謂，最好有更多更多報酬。
莊端兒浸足三粒鐘，雖然愈拍愈凍，但佢無詐形，仲話劇組對佢好好。
拍完當日戲，Bob在社交網上載手臂和小腿有瘀痕的照片，並留言：「藍猛衝，第一日你開工啫，已經搞到咁嘞喎，又話係開開心心嘅笑片…」去年林敏驄曾於TVB節目掌摑阿Bob而傳不和，難怪有網民話阿驄這次公報私仇。當晚林敏驄不但要張繼聰掌摑阿Bob，還伸他一腳，林敏驄笑言：「佢抵打，觀眾會睇得好開心！我已book定水鬼隊畀佢再拍跳崖戲，佢畀巴士撞完就跌落崖，但唔好問我個崖有幾高，做人遲早要走㗎啦，要轟轟烈烈咁走。」
網上圖片
跳崖當日阿Bob向林導展示傷勢。
對於是否公報私仇？林敏驄話：「哈！我唔使郁手嘅。」至於阿Bob就強調二人無心病，反而多謝林敏驄邀請令他們擦出「火花」。對於染指影圈，林敏驄強調自己點石成金，撈乜都得。首次執導好滿足，因為要演員做什麼都可以，即使面對強勁賀歲片對手都零壓力：「對手喺自己度，對得住自己就得啦！」
首做導演嘅林敏驄教莊端兒擺姣甫士色誘Teddy：「要挺胸趷籮，雙手夾胸，然後喺浴缸再彈彈跳！」喪屍Teddy則好興奮唸對白：「嘩！白裏透紅，連血管都見埋！」
