娛圈事
去英國拍戲當然好啦！
朱晨麗在新劇《兄弟》飾演國際刑警，少不免連場打戲，她笑指愈打愈好玩、愈上癮。該劇分別到英國及菲律賓拍攝外景，她直言兩地感覺不一：「係天同地分別，我哋先去英國拍，靚人靚景，拍得好開心，菲律賓就好熱，交通都唔方便，過馬路又唔識睇紅綠燈，我哋去咗貧民窟度取景，真係好污穢、好落後，搞到食飯都冇乜胃口，不過冇所謂，順便KEEP FIT！」
朱晨麗在新劇《兄弟》飾演國際刑警。
朱晨麗在新劇《兄弟》飾演國際刑警。
提及同劇的劉穎鏇，朱晨麗表示二人對手戲不多，但於英國外景時也有結伴遊玩，她說：「佢好Sweet，喺英國唔使開工時都會約出去行街、食飯，佢就會好似人肉GPS咁帶路，一睇就知道邊度落車，好聰明，好彩有佢咋，否則我實迷失喺英國都似。」
朱晨麗在新劇《兄弟》飾演國際刑警。
朱晨麗。資料圖片
張振朗劉佩玥神同步郭柏妍天然呆表情夠啜核
《鄰住買特約：獎門人元宵感謝祭》23日晚9點半翡翠台播映，今集主持陣容有「獎老」錢嘉樂、麥美恩、阮兆祥、林秀怡和林正峰。今集嘉賓陣容分別是由《萬千星輝頒獎典禮2023》得獎者組成的「得獎隊」，成員包括黎諾懿、車婉婉、馬貫東、劉穎鏇、周奕瑋和麥美恩，對戰劇集《奪命提示》主演組成的「奪命提示隊」，成員包括張振朗、劉佩玥（Moon）、樊亦敏、鄧智堅、郭柏妍和區明妙。今集節目優惠多多，除有大量感謝祭貨品於晚上10點半節目播出後在網購平台「鄰住買」開售外，觀眾於收看節目期間嘟一嘟螢幕上的QR Code，更有機會搶到超過10萬封現金利是，節目每part最高金額的現金利是為888港元！
Super～
張振朗劉佩玥神同步郭柏妍天然呆表情夠啜核
今集氣氛非常熱鬧，主持麥美恩以林青霞在《鹿鼎記2神龍教》中的神龍教聖女「我愛一碌葛」造型亮相、搶盡焦點，美恩更在長長的頭飾中拿出獎座，畫面搞笑。遊戲環節同樣爆笑，首個遊戲「開心無敵落大閘」已笑料十足，普通話出名水皮的黎諾懿大晒港普玩自抽；拍住上的Moon 和張振朗則表情與動作均是「神同步」、默契十足。向來擅長食花生的製作組，其中一條題目竟是「魔音」，醒目的Moon見狀即九秒九指向郭柏妍，被「擺上枱」的郭柏妍則露出天然呆表情，場面搞笑。「開心無敵爭櫈仔」環節則繼續肉緊，當中以長腿女神劉穎鏇（Tiffany）最為搶焦，短打上陣的Tiffany打女上身與振朗爭櫈仔，搶到瞓晒地亦在所不惜，最終竟成功揮贏振朗！Tiffany最後與鄧智堅上演「長短腳終極對決」，最終誰勝誰負？節目自有分曉！
麥美恩喺「一碌葛」入面收埋咗個獎！
「得獎隊」馬貫東（左起）、周奕瑋、黎諾懿、車婉婉、劉穎鏇、麥美恩。
「奪命提示隊」郭柏妍（左起）、鄧智堅、劉佩玥、張振朗、區明妙、樊亦敏。
張振朗同劉佩玥玩「落大閘」好落力。
講起「魔音」一定係郭柏妍，而佢嘅反應堅正。
郭柏妍「污染」答案遭麥美恩揶揄
「開心無敵以訛傳訛」，三太樊亦敏以瞪大雙眼、六字手勢和跳Moon Walk演繹「登陸月球」，雖然三太表現精靈兼有諗頭，可惜卻遇上豬隊友郭柏妍，柏妍將相關動作演繹成「牛牛跳舞」，令人摸不着頭腦，麥美恩忍不住笑說：「真係好嘢，經過你手都變第二樣嘢！」在「開心無敵開口中」和「開心無敵彈遮遮」中，三太再度出動私伙潛水泳鏡和巨型太陽帽，婉婉則戴浴帽應戰，造型搞笑。
大家玩爭櫈仔好落力。
留意番，三太被撞到碌地。
劉穎鏇巾幗不讓鬚眉，打女上身爭贏張振朗。
劉穎鏇巾幗不讓鬚眉，打女上身爭贏張振朗。
三太扮「登陸月球」個樣好搞笑。
郭柏妍究竟做緊啲咩？個樣仲勁有自信，真係畀佢笑死。
郭柏妍究竟做緊啲咩？個樣仲勁有自信，真係畀佢笑死。
車婉婉都戴浴帽上陣。
彈遮遮都係笑料十足。
