劉心悠指馬浚偉在她心目中已是「最佳男主角」。
劉心悠和太子珠寶鐘錶集團主席鄧鉅明出席男士配飾品牌專門店開幕禮，劉心悠表示讀書時儲錢買了有關品牌的筆，就算寫字出來也覺得好珍貴，但以往從未送過筆畀男友，反而在特別日子煎三文魚扒，不過煎到有少少燶，但覺得有陣焦味更好。
劉心悠和太子珠寶鐘錶集團主席鄧鉅明出席男士配飾品牌專門店開幕禮。
提到馬浚偉演出無綫劇《宮心計之心攻計》無份角逐《萬千星輝頒獎禮》的「最佳男主角」獎項，她說：「他在我心目中已經是「最佳男主角」，拍攝了5、6個月，日日見到佢努力付出，I love him！」談到有指馬浚偉為其他電視台拍攝被無綫封殺，問到可覺無綫小氣？她說：「我本身不是無綫藝人，不過好大挑戰，加上言語上大挑戰好似入去訓練營，好感恩畀機會我。」
劉心悠指馬浚偉在她心目中已是「最佳男主角」。
即將到聖誕節，她笑謂大家可以約她慶祝。她說：「都係跟熟朋友慶祝。（物色男友？）依家未想識新朋友。（從舊朋友中睇下有冇機會發展？）唔知！今日唔知聽日事，唔發生就唔會發生。」
馬浚偉與劉心悠早前在《宮心計之心攻計》合作。資料圖片
鄧鉅明表示太太鄧宣宏雁經常買男士用品給他，大多買衫居多，而且是他喜歡的品牌。談到聖誕節可會買禮物送給太太，他說：「太太喜歡買什麼也可以，日日都聖誕節！好似聖誕老人，已經送了個心畀佢。」他又指聖誕節會跟太太到杜拜旅行，兒子也會從英國返來後一起同行。
馬浚偉。資料圖片
《新城體育會》再出動打羽毛球！
《新城體育會》昨日（4月24日）舉辦了第三次羽毛球活動，新城廣播有限公司首席營運總監馬浚偉帶領「新城羽毛球隊」，邀請歌手郭偉亮（Eric Kwok）、黎展峯（Andy）及龔柯允（Karen）齊齊打羽毛球揮灑汗水，而新城知訊台台長程凱欣亦首次落場，獲得馬浚偉大讚台長：「打得好好喎！」台長更貼心地一直陪著自嘲來執波的龔柯允打波，馬浚偉更鼓勵Karen：「肯出嚟做運動，出身汗，已經好好啦！」
《新城體育會》昨日（4月24日）再出動打羽毛球。
郭偉亮打波反應快 但自言冇乜耐性
眾所周知Eric Kwok熱愛滑雪，但他其實同樣熱愛羽毛球，Eric Kwok表示：「我個幾禮拜就會打一次羽毛球，都打咗十幾年，啱啱返香港時成日同趙增熹一齊打，嗰時操得好勁，一星期打兩三次，又有教練教，但自從做咗XiX經理人之後就冇再打。」他解釋因之前打羽毛球拉傷膊頭，故休息了兩個月沒再打。
今次是Eric Kwok相隔十年再跟馬浚偉打羽毛球，他憶述：「我記得大概係十年前，有個唔知咩比賽同馬生打過一次，印象中佢打得好好，佢又高，有晒打羽毛球的身形。」問Eric Kwok有甚麼絕招？他笑言：「絕招就係好快打完，我冇乜耐力，但反應快，始終都係要練習。」
Eric Kwok同陳奕迅（Eason）老友鬼鬼，二人亦經常相約打波，他表示：「佢本身係打網球，我有一排都同佢打羽毛球，佢都打得好好。（邊個勁啲？）網球佢勁我好多，因為佢主力打網球，羽毛球我打得耐過佢，有時會教佢，但最主要我哋玩雙打好開心，我哋好夾、好有默契，又唔會爭波打，唔會在乎輸贏，同佢打波好開心，佢成日笑。」
黎展峯小時候獲任職羽毛球教練外公教授羽毛球技。
嬌小龔柯允原來是籃球健將，馬浚偉承諾稍後安排打籃球。
黎展峯靠做運動減壓 最近學耕田
黎展峯（Andy）球技似模似樣，他透露小時候獲任職羽毛球教練的外公教他打羽毛球，所以自小已打羽毛球，他笑言：「我身高183cm，係高度取勝，唔打得都睇得，但技術要再鍛鍊，平時都會約同公司的歌手黃明德打籃球，當自己有壓力或者想抒發吓就會做運動。」而近日他更一嘗耕田滋味：「我朋友有個地方自己種菜，唔係玩盆栽仔嗰啲，真係有塊田要除草、翻土，成件事身心都好健康，本來以為好易，但原來要用晒成身，仲辛苦過跑步。」
龔柯允自嘲來執波 興奮獲馬浚偉承諾安排打籃球
至於龔柯允（Karen）則自嘲是來「執波」，她稱：「我係鄉下式打法，完全冇技巧可言，所以過嚟執波，或者搵Eric sir教我。」不過身形嬌小的龔柯允，原來是籃球校隊，她笑稱：「如果唔打會更加矮，同埋因為高度問題，冇辦法落場，雖然爸爸係籃球會主席，但佢唔會因為咁偏心我，反而自己會游水、跑步、踩單車，練吓肺活量，對唱歌好有幫助。」馬浚偉並向她許下諾言，稍後安排打籃球，Karen聽到後，十分興奮表示一定報名出席！
郭偉亮自爆打波絕招……就是……好快打完！
馬浚偉與郭偉亮、黎展峯、教練Arthur玩雙打。
