原來驚喜嘉賓是陳柏宇！
韓國女歌手IU（李知恩）昨晚假亞洲國際博覽館舉行出道10周年演唱會，邀請韓國男歌手Sam Kim及陳柏宇（Jason）擔任嘉賓。IU與Jason合唱韓文歌《Nagging》，大讚Jason 的韓文發音好。
韓國女歌手IU（李知恩）昨晚假亞洲國際博覽館舉行出道10周年演唱會。網上圖片
IU兩度Encore話會盡快再來港開騷；陳柏宇都讚IU好sweet。
VIDEO
當IU唱出《Lost Child》時，台下粉絲高舉紫羅蘭形手幅，令IU非常感動，之後走落台與粉絲近距離接觸。在Encore環節，IU唱出《Through the Night》的廣東版，唱到《Dear Name》時全場粉絲舉起寫上自己名字的手幅，IU感動落淚。完場後粉絲沒離開還大嗌Encore，IU被粉絲感動再度出場獻唱，她大讚今次策劃驚喜的粉絲是天才，並承諾盡快來港開騷。
網上圖片
網上圖片
另外，Jason在擔任嘉賓後於社交平台留言：「噚晚好開心可以被邀請成為IU演唱會香港站嘉賓。幾個月前已經開始學唱呢首合唱歌，挑戰第一次唱韓文，壓力超大。唱嘅時候，心跳到跌出嚟咁滯，不過好彩得到IU同佢哋團體體諒，仲讚我唱得好好添。咁我嚟緊可以挑戰一下錄首韓文歌！#嚇鬼死我 #IU好sweet #同IU合照唔恨得多」。
陳柏宇在新歌《唞》MV中亦本色出演，飾演一個好煩的租客，不停地講。
陳柏宇（Jason）的吹水能力向來強橫，強到在YouTube開設Channel「廣偉論」暢所欲言，但估不到亦因為他的高超吹水能力，促成今次與 Yellow!野佬合作新歌《唞》之外，就連參與MV拍攝的林家熙（Locker）對於他的吹水能力都甘拜下風。
Jason與 Yellow!野佬合作新歌《唞》。
VIDEO
觀看相關影片按連結：https://youtu.be/tC31khwO2YI?si=JWJKTWOXmZJFn6CW
Jason在去年年中音樂頒獎禮後台巧遇Yellow!野佬，他即時邀歌，希望對方能為自己寫一首麻甩、日系感覺，屬於Yellow!野佬風格的作品，小胡@Yellow!野佬回憶道：「Jason問我哋有冇歌，仲話好想要野佬啲歌，咁我哋都好快速，半年之後就完成首歌俾佢，但估唔到Jason好慷慨， 一聽就話好正，仲話不如一齊玩，就促成咗今次嘅合作。」
Jason在去年年中音樂頒獎禮後台巧遇Yellow!野佬後即時邀歌。
Yellow!野佬
不過正式做歌時，發生了一段小插曲，就是小胡寫的旋律中，竟被隊友何兆基發現Verse的部份有點古天樂《男朋友》的影子，不過小胡表示：「唔係刻意抄襲，但唔小心哼咗人哋啲歌都唔出奇。」但為免引起誤會，經過投票後大家都決定修改了Verse的部份，大家無緣聽到舊版本了。歌曲的跳脫節奏，配上填詞人梁栢堅的歌詞，道出了人生小小道理：在都市生活，大家有時都會好攰，那就「唞下」，不要太辛苦，得閒要放放假。
小胡@Yellow!野佬、Jason
Jason的吹水功力，Yellow!野佬領教過，之後就連拍攝《唞》的MV時，當中的主角Locker都領教到。Locker在MV中扮演大廈保安，講述他返工遇到各式各樣的住客，而一班野佬與Jason就扮演其中。這是Locker第一次飾演保安，所以對所有事物都感到十分新奇，由更亭陳設，到巡樓過程，都令他感到十分新鮮，拍攝過程十分好玩。他更說：「今次MV裡面有打鬥有感情線又有同Jason嘅文戲，感覺好似拍緊一套戲。」
Locker在MV中扮演大廈保安。
MV講述他返工遇到各式各樣的住客。
野佬與Jason就扮演住客
問到與Jason交手的過程，Locker笑言對方的吹水功力令人讚嘆，「喺MV入面Jason係一個好煩嘅租客，係咁不停講，我哋拍攝嗰陣雖然唔收音，但Jason可以每個Take都有唔同嘅內容可以講到出嚟，如果佢唔做歌手，可以去開棟篤笑。」一如Locker所說，Jason上至按摩下至養寵物，總之每拍一Take就講及新的內容，而且內容幽默又搞笑，現場有些工作人員都忍不住爆笑。
Locker指Jason的吹水功力令人讚嘆。
更笑指如果Jason不做歌手，可以去開棟篤笑。
