沒兒子老公陪 袁詠儀行街悶遊3分鐘走人

行到成陣風咁快！

47歲的袁詠儀(靚靚)，上月兒子魔童剛過12 歲生日，她在社交網誌感慨兒子已長大，係時候放手，加上老公張智霖工作繁忙，日前她獨自去金鐘太古廣場Shopping，甚為悶悶不樂！可能得佢一個人，只見她在名店打個圈，幾分鐘就摩打腳行返出平台走人。 

素顏袁詠儀，顯得悶悶不樂。

袁詠儀和Chilam這對恩愛夫婦好有善心，月前孖好友蔡一智夫婦去不丹朝聖，修行幾日又看了當地靚景，盡吸靈氣返港。日前，容光煥發的美魔男Chilam擔任「器官捐贈推廣大使」，他說同太太已經做了器官捐贈登記，藉此以愛傳愛，延續生命去幫助別人，勁抵讚呀！廿四孝daddy還透露阿仔魔童(張慕童)早前到北京遊學，去了萬里長城同故宮增廣見聞。但靚媽咪靚靚送兒子機時非常不捨，發po話見到兒子井井有條攞證件處理行李，意識到兒子長大了，是時候要放手了！

全身黑色打扮嘅靚靚，行到成陣風咁快。

日前下午，靚靚一個人搵節目，坐七人車去了太古廣場Shopping。見她當日心情一般，摩打腳行入一間名店，沒有收穫又極速走人。在平台等車時，靚靚又不時打電話催司機，似乎趕著去下場！難道要去接寶貝仔？！

日前，靚靚被邀去澳門睇大賽車，與古天樂(右二)、黑超丁子高喜相逢。

靚靚見到阿仔識獨立，自己搞登記手續，好有感觸。

早前，Chilam一家三口去非洲肯亞睇動物大遷徙，手拖手漫步好溫馨。

魔童上月12歲生日嘞！愈大愈靚仔。

Chilam和靚靚早前去不丹修行一星期，盡吸靈氣。

詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！

詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！

Jim sir 6場《即興之王》順利完成。

Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」

Jim sir好感恩觀眾好投入。

更揚言會做100場。

更希望將《即興之王》帶到星馬、美加等地，與當地華人及香港人一同分享。

Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」

廖碧兒

林盛斌

陳小春

而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」

張智霖與囝囝張慕童

魔童好滿意Jim sir扮女人「moment姐」。

魔童睇到笑唔停。

仲同爸爸Chilam「十五指緊扣」。