食譜分享網民自揼人奶製奶油

各位師奶通常都愛在論壇或博客分享煮食心得，對自創食譜絕不吝嗇，與一眾師奶分享；外國一名網名WhatMichelleDoes（Michelle）的網友卻在Reddit網站分享一個十分特別的食譜：用人奶整奶油。

英國《都市報》報道，Michelle稱她先揼出60毫升人奶，倒入一個小容器後搖晃。

搖了20分鐘後沒有反應，就倒進一個較大的容器，再搖20分鐘。這個時人奶起變化，當中出現結塊，並有細小的球體形成。

對！這些小小的球體就是Michelle所說的「人奶奶油」。Michelle試食表示：「這是我一生中吃過最甜的奶油」，又誓言下次會再揼多一點，製作更多。

其實用人奶製作食品並非第一次，之前已有人利用人奶製作雪糕和芝士。人奶雪糕的品牌甚至名為「Baby Gaga」，一壺承惠14英鎊（折合約175港元）。

從懷孕到生產到照顧，當媽媽不易，不必太過勉強自己。

餵哺母乳無論對BB或母親也有很多益處，但知易行難，每位媽媽也有自己的難處與決擇的權利，任何人都不應把自己的一套強加在他人身上。近日一準媽媽在社交平台上投稿，表示因為上班時間不固定，經過同老公商量後，決定BB出世後用奶粉餵BB。但身為「超級人奶fans」阿嫂知道她打算不餵人奶後，不斷疲勞轟炸她，不止日日苦口婆心發訊息、打電話，更做出一舉動令準媽媽原地崩潰。

該準媽媽於Facebook 專頁「生仔要考牌系列」投稿，表示她雖然知道母乳的好處，但由於工作時間不穩定，無法固定時間泵奶，經與老公相量後決定用奶粉。不過她的阿嫂卻是一名「超級人奶fans」，由樓主宣佈懷孕的一刻，阿嫂已不停推崇母乳的優點「真係覺得餵人奶得天下嗰種」。

當阿嫂知道樓主計劃不餵人奶後，更將行動升級「呀嫂為咗証明俾我睇泵奶唔係咁煩，佢開始不定時咁通知我佢幾時泵奶。有時係一個訊息，有時連埋一張相，再同我講類似『其實幾時都可以泵㗎』、『加油』之類嘅訊息，亦會不定時俾好多人奶資訊我」。

樓主有次在工作期間無法立即回覆訊息，只能等到下班後才看，但阿嫂一看到訊息被「已讀」，立即就致電樓主「開始同我講返嗰堆訊息嘅內容。其實嗰下我啱啱放工，個人都未回氣，所以我有少少煩躁」。樓主仍禮貌地聽完阿嫂所講的，然後回覆「其實呀嫂！我多謝你嘅好意！但真係唔使再講，我決定咗係奶粉；或者其實都唔急！可以等BB出咗世再算，我而家好攰，人奶呢個問題對我呢一刻真係一啲都唔急」。

樓主天真以為事情就此完結，但幾天後阿嫂又發訊息給樓主，還附上幾張人奶的照片，寫道「呀妹！我諗過啦，我幫你開始儲奶，我泵定幫你雪住放心交俾我」。樓主無奈又反感，大呻「我對人奶唔反感，但我反感人奶膠」。

此帖一出即引起網民熱議，不少人認為重點不是人奶，而是尊重「其實我覺得重點唔係餵咩奶嘅問題，係尊重同態度嘅問題」、「我冇小朋友，但係我最憎啲人將自己認為好嘅嘢加諸喺其他人身上，佢哋識唔識尊重兩個字？」、「其實happy mum happy baby，每個媽媽都有自己嘅選擇權」、「個阿嫂自我感覺良好呢d性格真係好煩膠，係要人跟佢個套，做人要考牌」。

亦有其他媽媽分享自己放棄餵人奶的原因「我由陀已經好辛苦要住院，生完仲要有d抑鬱，泵又勁少又泵到出血，果下真係決定要奶粉，如果唔係真係會變抑鬱症」、「好似我呢啲做司機既唔可以隨時泵奶。我當時餵左一個月人奶就放棄，其實係因為辛苦，我做唔到兩個鐘起一次身，唔夠奶亦都好難泵定下一餐，我仲要出院冇幾耐發燒」。

帖文來源：Facebook 專頁「生仔要考牌系列」

食譜分享網民自揼人奶製奶油

Plastic