滴惜仔宣傳慳水稱「倒返滴水落海」

講真，算兜得幾好......

最近消防處「任何仁」一身藍色戰衣出哂位，其他政府宣傳物如環保署嘅「大嘥鬼」都好受歡迎。但係水務署的吉祥物「滴惜仔」雖然都係藍色皮膚又宣傳慳水惜食，但似乎「立心不良」，竟然公然「殺人」。

上圖為網絡熱門meme，源自《飄零燕》。網上圖片

琴晚天寒地凍，相信大家都鍾意沖返個熱水涼暖身。「滴惜仔」就趁機會宣傳慳水，話：「天氣冷沖個熱水浴，驅走寒意係無問題嘅，不過沖得太耐，唔止嘥水，仲有機會過份沖走皮膚嘅油脂變咗週身痕，你話幾咁唔好呢。」而配圖坐住輪椅嘅「滴惜朋友」仲話沖咗一粒鐘熱水涼。結果「滴惜仔」竟然嬲到推咗佢落山！

「滴惜仔」殺人「罪證」。滴惜仔Water Save Dave Facebook

有部分網民就負評，渲染暴力、意識不良；「我唔沖耐啲涼，你咪又係倒啲東江水落海」；「水務署鼓勵殺人」等。另外「滴惜仔」都回應網民幽默留言「倒返滴水落海」，話係「循環再用」；亦有網民讚賞政府公關做得好咗。

水務署宣布，因大廈進行地下管道維修工程，大角咀客戶諮詢中心將於本月25及26日暫停服務。中心服務將於本月29日恢復正常。

水務署客戶諮詢中心。水務署網頁

市民如需申請釣魚或水喉匠牌照，可前往灣仔客戶諮詢中心辦理。而欲購買水票的客戶，可前往筲箕灣譚公廟道10號筲箕灣海事分處。有關該分處的辦公時間，請致電海事處的查詢熱線2542 3711。

需要其他服務的市民可考慮到水務署位於灣仔、沙田、大埔或屯門的客戶諮詢中心辦理，另可透過客戶服務熱線2824 5000或電郵（wsdinfo@wsd.gov.hk）查詢。