「有一幕青雲衝埋我度，我嚇到好驚，下意識即刻撳住個乳頭。」
英皇賀歲電影《廉政風雲 煙幕》票房快將衝破2千萬，有份參演的湯怡和何遠東到戲院謝票。湯治笑指已榮升為2千萬票房演員，何遠東更自稱做「億東」，因連同內地票房必定破億；二人均稱會繼續落力謝票。
有份參演的湯怡和何遠東到戲院謝票
湯怡還透露一同演出的陳家樂很想前來，但因要趕返廈門工作，日前偷偷回來、又偷偷地走了。何遠東則搞曖味說：「家樂在社交平台留言話掛住我哋，但佢回來又唔搵我哋，我都掛住佢，但無法，佢依家1年搵10年錢，在內地拍大製作，希望第時帶挈埋我哋。」
湯治
說到何遠東在片中的角色獲好評，他稱可能是劉青雲為他的角色創作了多個名字，易記之餘又令人加深記憶；繼而自爆：「我同青雲哥都有一場印象好深刻的戲份，有一幕係佢衝埋我度，成隻猛獸咁，我也嚇到好驚，下意識就即刻撳住個乳頭。（驚佢非禮你？）身體重要嘛！」
何遠東話若續集不能跟林嘉欣一齊，就先跟湯怡做一對
二人又異口同聲希望能開拍續集，何遠東更幻想到續集劇情說：「我希望續集可以有更激烈更多動作，事關我係動作演員、拍過功夫片，不過係被打。再且，我鍾意林嘉欣，拍攝時已經常用戲中『牛咁眼』嘅眼神偷望佢，並且懷疑在戲中成日與青雲作對，一定都係關嘉欣事，因此希望續集可以跟青雲『拗手瓜』，反正佢哋兩個在片中都出現婚姻問題，最多續集同唔到嘉欣一齊，先同湯怡。」
英皇賀歲電影《廉政風雲 煙幕》票房快將衝破2千萬
湯怡即反駁指劇中原本是與家樂是一對，不過如果能拍何遠東也好，因對方是動作演員，何遠東即「入位」取笑湯怡，問：「你想做乜嘢動作片呀？」面對突然而來的有味笑話，令無力招架的湯怡只懂傻笑。