Chilam約友食Tea傾唔停 袁詠儀主動埋單好體貼

果然係模範夫妻～

袁詠儀（靚靚）和張智霖（Chilam）結婚18年，感情keep住咁好，靚靚早前有份拍兩套賀歲片《家和萬事驚》及《廉政風雲 煙幕》，前者是女角，後者客串做奸角，因為要宣傳，所以近兩個月都好忙。

2月8日是張智霖和靚靚的結婚周年紀念日，兩夫妻在雪地手拖手，看着兒子學滑雪留言「足矣」！

靚靚一家三口在日本與眾多朋友齊慶祝結婚周年，溫馨歡樂。

日前，見靚靚到中環置地Cafe找老公，因為當日Chilam約了男友人食住傾嘢，二人好好傾，Chilam傾到除下黑超又笑得好開心，手部動作還相當頻密。食了半個鐘，戴住口罩的靚靚現身，但她無參與老公「吹水局」，因為她也遇見到有朋友都在餐廳入面，傾了一陣兒，知道老公還有排傾，她便主動幫手埋單然後先離開，果然是好體貼的老婆。

Chilam講到笑唔停。

Chilam同朋友傾到好興奮，手仔不斷擺動。

有食客見到Chilam，忍唔住集郵。

戴黑超嘅Chilam傾緊偈，靚靚就主動去埋單先，等老公慢慢傾。

靚靚走先，Chilam同佢拜拜再指一指提示老婆做某樣嘢。

走先嘅靚靚，邊行邊同人語音短訊。

詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！

詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！

Jim sir 6場《即興之王》順利完成。

Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」

Jim sir好感恩觀眾好投入。

更揚言會做100場。

更希望將《即興之王》帶到星馬、美加等地，與當地華人及香港人一同分享。

Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」

廖碧兒

林盛斌

陳小春

而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」

張智霖與囝囝張慕童

魔童好滿意Jim sir扮女人「moment姐」。

魔童睇到笑唔停。

仲同爸爸Chilam「十五指緊扣」。