囝囝中甲流發燒 港爸竟問網友「入到日本境嗎?」

拋開公德心唔講住，囝囝病成咁都仲去旅行?

資料圖片

冬季流感肆虐，幼兒感染率高，不少家長生怕仔女染病，十分擔心。政府為了避免和減少交叉感染，早前宣佈全港幼稚園和幼兒中心提早放農曆年假。但有父母居然為了去旅行，居然在仔女生病時還欲堅持出發。有港爸在一個大阪facebook旅行群組發問，指兒子確診甲型流感，未退燒，問「能否順利入日本境」，引來大批網友怒斥，批評該名爸爸無公德心，更妄顧仔女的安全，斥責「比個仔休息下得唔得！」。

資料圖片

一名港爸昨晚在一個有關大阪旅遊的facebook群組發帖：「 星期一飛大阪，幼兒中咗甲型流感。發燒。38(度)未退。已食藥。可以入到境嗎！有沒有谷友遇過這樣？」。隨即引來網民熱議，斥責他不但沒公德心，更「完全無視親生骨肉的健康安危」。有人批評中流感，還上機，隨時傳染其他飛機搭客。有網民指該爸爸沒盡父親責任照顧好小朋友，為了自己去旅行，「置小朋友病情於不顧」、亦有人表示，「先唔講會傳染到畀其他人，畀個小朋友抖下唔得咩？」

網上圖片

有網民留言指「其實為乜？個小朋友去到又咩都唔食得，又要睇實佢，作為父母點會想冒險？小朋友機票貴極咪又係一折，同埋真心求教係去問醫生！」

資料圖片

有立法會議員及多個香港及澳門的醫護團體，聯合呼籲高危人士，因應近期流感肆虐，盡快接種疫苗，亦希望當局、業界和媒體加力度灌輸正確疫苗資訊給巿民。

立法會議員林哲玄。資料圖片(圖片來源:星島日報)

他們指出，香港和澳門正面對持續「季節性流行性感冒病毒」肆虐的威脅；「新冠變異病毒株」亦持續感染港澳巿民，高危人士首當其衝，包括嬰幼兒、幼童、孕婦、長者、患長期病患者等。他們感染流行性感冒病毒後容易引發重症、需要住院、甚至入深切治療部，部分人不幸死亡；接種疫苗可預防受感染後患重症和入院的機會，亦可大大減低死亡率或康復後引致的後遺症，因此呼籲高危人士不要猶疑，盡快接種疫苗。

立法會議員陳凱欣。資料圖片

發出聯合呼籲的包括立法會議員林哲玄、陳凱欣、香港兒科醫學會、澳門兒科專科醫學會及香港婦產科學會等十多個醫護團體。