得人恩果千年記
鎖車門後不幸將車匙掉進渠內，可說是車主的惡夢！有司機分享瘀事，指自己泊車鎖門後，不小心將車匙跌進坑渠，遂向渠務署尋求協助，等候師傅到場期間，自己亦曾用鐵線嘗試勾起車匙，但不成功。正當想放棄之際，渠務師傅終到場，「搵咗十分鐘左右掘咗起碼二三十羹淤泥上嚟，又好仔細咁撥開啲泥睇下有冇」，雖然傳出陣陣臭味，但師傅都沒有嫌棄，超有耐性地搜尋，最終成功找到，並用清水為事主洗淨，車匙也沒有損壞。事主直言十分好彩，「呢世都唔會忘記」，並感激「渠務署一班師傅嘅幫助」。
渠務署師傅最終成功為樓主找回車匙，車匙亦沒有損壞。網上圖片
網民張先生在facebook群組「香港交通突發報料區」發帖，憶述自己昨午駛至九龍灣宏冠道時，人有三急卻又找不到停車場車位，情急下停泊在路邊速去速回，詎料鎖門後，不小心將車匙跌落坑渠內，不知所措下遂致電1823向渠務署人員尋求協助，對方回應可派員幫忙，但沒有確實時間。樓主唯有到對面車房求助，獲好心人借出鐵線，但由於渠內有污水遮蓋，終未能勾起車匙。
樓主鎖車後不小心將車匙跌落坑渠內，幸獲渠務署師傅到場協助。網上圖片
正當樓主準備放棄，打算回家取後備車匙之際，渠務署4、5個師傅到場，「幫我開蓋再用隻大杓去搵，搵咗十分鐘左右掘咗起碼二三十羹淤泥上嚟，又好仔細咁撥開啲泥睇下有冇，超有耐性。始終都係有啲臭味，幾位師傅一啲都冇嫌棄，仲怕整親我叫我行遠少少等，最後皇天不負有心人，終於搵到條車匙！仲幫我攞清水洗乾淨！」更慶幸的是，樓主以為車匙浸在坑渠水一段時間一定會損壞，但最終出奇地沒有失靈，可以正常開車，「如果唔係要配過條新嘅可能要使幾千蚊，真係算十分之好彩！我諗我呢世都唔會忘記今日嘅事」。樓主感激渠務署一班師傅的幫助，和車房師傅借出鐵線。
不少網民都在帖文「讚好」，有網民笑言是「大project喎」，並表示「真係好人好事，老實，渠務真係唔係老馮衝嚟救你」、「今次真係高效率，值得讚！要寫信表揚下」、「政府/ 外判都有盡責嘅」、「政府都好多熱心的人」。
