「當你感受過，摸下個肚會郁來郁去。」
陳展鵬、陳山聰及劉穎鏇等早前到粉嶺「雲泉仙館」，拍攝無綫新劇《唐人街》。今個月初跟太太單文柔舉行Baby shower（新生兒派對）的陳展鵬表示，女兒的預產期就在4月出世，他直言心情興奮。
點擊看圖輯
「當你感受過，摸下個肚會郁來郁去。」
談到太太單文柔月初跟一眾好姊妹舉行Baby shower，陳展鵬說：「我覺得好特別，自己未接觸過Baby shower，可以接觸下都幾好，呢啲都係Phoebe諗嘅嘢。」問到是否很期待女兒出世？他說：「我真係由始至終都覺得好神奇，你問我目前有無緊張，我就係無，感覺反而係興奮。興奮嘅意思係，點解女人咁犀利，當你感受過，摸下個肚會郁來郁去。而我幻想自己如果有嚿嘢郁來郁去會好唔自在喎，我會形容係有啲驚囉！而佢（單文柔）又好自如，好快適應。」
說到下個月便是預產期，展鵬說：「（由懷孕開始）一路落嚟好好，有好多朋友安排咗好多嘢，希望可以無咩閃失啦！」談到女兒出世，劇組是否會遷就拍攝時間？陳展鵬笑笑說：「大家都唔知道個小朋友幾時會到，有啲人問我擇咗日子未，我話醫生講嘅係順產期，而太太仲未決定到，即使擇咗日子佢都可以早嘛。所以要睇個小朋友喜歡，劇組方面唔會有大問題。」
此外，新劇《唐人街》預告打鬥戲分會比《城寨英雄》更多更勁，因此眾演員都為此做好更多準備。陳展鵬透露他在劇中門派為八極拳，拍攝前花了些時間去鑽研。談到身形上的準備，展鵬坦言實在沒有時間，但有注意飲食，令身形看起來更健碩。而拍攝當日陳山聰雖然穿上軍服，但他的倒三角身形已表露無遺。山聰透露煞科前會有一場大型打鬥戲，監製文偉鴻已透露男演員都需要除衫騷肌，而山聰亦為此開始了地獄式訓練，希望劇集播出時，其弗爆身形令觀眾感受到他的誠意。山聰又透露整個農曆新年都不敢出街，笑言看到朋友大魚大肉確實有點難受。他笑說：「見同劇女演員唐詩詠、姚子羚、劉穎鏇咩都可以食，我、伍允龍同陳展鵬，就只可以食麵包食雞胸。」
另外，劉穎鏇透露她是唯一一個，劇中不需要打的女演員。她為此感到很開心，因此角色會跟劇集《兄弟》中的角色有很大差別，觀眾可透過《唐人街》了解自己更多。
陳展鵬為角色需要，鑽研八極拳。
談到太太單文柔月初跟一眾好姊妹舉行Baby shower，陳展鵬說：「我覺得好特別，自己未接觸過Baby shower，可以接觸下都幾好，呢啲都係Phoebe諗嘅嘢。」問到是否很期待女兒出世？他說：「我真係由始至終都覺得好神奇，你問我目前有無緊張，我就係無，感覺反而係興奮。興奮嘅意思係，點解女人咁犀利，當你感受過，摸下個肚會郁來郁去。而我幻想自己如果有嚿嘢郁來郁去會好唔自在喎，我會形容係有啲驚囉！而佢（單文柔）又好自如，好快適應。」
陳展鵬為角色需要，鑽研八極拳。
說到下個月便是預產期，展鵬說：「（由懷孕開始）一路落嚟好好，有好多朋友安排咗好多嘢，希望可以無咩閃失啦！」談到女兒出世，劇組是否會遷就拍攝時間？陳展鵬笑笑說：「大家都唔知道個小朋友幾時會到，有啲人問我擇咗日子未，我話醫生講嘅係順產期，而太太仲未決定到，即使擇咗日子佢都可以早嘛。所以要睇個小朋友喜歡，劇組方面唔會有大問題。」
陳展鵬與單文柔月初舉行了Baby shower。
此外，新劇《唐人街》預告打鬥戲分會比《城寨英雄》更多更勁，因此眾演員都為此做好更多準備。陳展鵬透露他在劇中門派為八極拳，拍攝前花了些時間去鑽研。談到身形上的準備，展鵬坦言實在沒有時間，但有注意飲食，令身形看起來更健碩。而拍攝當日陳山聰雖然穿上軍服，但他的倒三角身形已表露無遺。山聰透露煞科前會有一場大型打鬥戲，監製文偉鴻已透露男演員都需要除衫騷肌，而山聰亦為此開始了地獄式訓練，希望劇集播出時，其弗爆身形令觀眾感受到他的誠意。山聰又透露整個農曆新年都不敢出街，笑言看到朋友大魚大肉確實有點難受。他笑說：「見同劇女演員唐詩詠、姚子羚、劉穎鏇咩都可以食，我、伍允龍同陳展鵬，就只可以食麵包食雞胸。」
當楊證樺被陳山聰毆打時，遠方的陳展鵬從後救援。
另外，劉穎鏇透露她是唯一一個，劇中不需要打的女演員。她為此感到很開心，因此角色會跟劇集《兄弟》中的角色有很大差別，觀眾可透過《唐人街》了解自己更多。
陳山聰雖穿軍服，但他的倒三角身形仍表露無遺。
