11月區選戰況料激烈。
區議會換屆選舉十一月舉行,公民黨昨日先安排十二名社區主任同傳媒見面,以八、九十後為主。建制派經常於選舉採「小花戰術」,公民黨亦不乏小花,好似曾經做過記者嘅黃文萱,有意喺自己長大嘅第一城出戰,佢話第一城是泛民票倉,但現任區議員卻是建制派,希望能為泛民扳回一席。
有小花自然有小鮮肉,將於中大社工系畢業的李予信,是中大現代舞學會成員,曾獲校內舞蹈獎,外貌俊朗的他常被親戚笑稱酷似藝人余文樂及周柏豪,惟自己覺得「兩個都唔似」。李予信現在北角錦屏做地區工作,將挑戰現任民建聯區議員蔡素玉。
公民黨今次強攻青衣選區,前青年公民主席冼豪輝選擇「打大佬」,於青衣偉盈挑戰工聯會雙料議員麥美娟,期望改善島內通宵交通及環境問題能打動選民。至於隔離選區安灝,公民黨就會派出譚家浚出選,同冼豪輝「行孖咇」做區。