網民：「撞車都咁開心，我真係識條鐵」
資料圖片
港鐵周一（18日）發生罕見撞車事故，經連日搶修後，荃灣線來往中環及金鐘站服務昨早終回復正常。facebook隨後流傳一張相信是港鐵員工搶修後，在中環站月台的合照，當中大部分人高舉「V」字勝利手勢，引起網民不滿。
一批港鐵員工在搶修過後，在中環站月台的合照。fb專頁「MTR Secrets」
有網民昨在fb專頁「MTR Secrets」上載了一張合照，相中人身穿港鐵鐵職員制服，當中有人舉起勝利手勢。有專頁理員在帖文稱，「Admin團隊唔明白，成件事有咩咁值得yeah，前前後後咁多工程，車隊人員幫手，佢哋先係落手落腳做果堆，然而無人會知道佢哋」。據悉，相中人為港鐵車務部管理層。
資料圖片
照片其後在多個群組廣傳，引來不少網民炮轟。有網民替前線人員不值，「 前線員工永遠都係有鑊就孭，有功就無份領」、「Yeah嗰班唔洗做，係班工人做」。有網民謂，明白前線人員連日辛勤搶修，務求令鐵路能盡快恢復正常，但「請問究竟擺呢張相出嚟，到底係攞景還是贈慶呢？兩天以來令眾多乘客造成不便，貴司嘅所謂高層有冇深刻反省呢？」
資料圖片