為「小豬比」請多個工人 單文柔顧講電話無睇路

大肚婆真係事事都要小心！

陳展鵬和單文柔於去年10月結婚，婚後未夠一個月即宣布有喜，轉眼間BB將在下個月出生了，準爸爸表示就快同BB女見面不緊張但好開心，更表示開工時手提電話不離身，隨時Stand By。

陳氏夫婦去咗英法取景影婚紗相，好揼本。

今個豬年陳展鵬夫婦去了胡杏兒屋企拜年，並請教育兒心得。

本月初，陳展鵬夫婦為BB舉行Baby Shower，黃心穎都有出席。

日前下午，戴住帽的單文柔約了外傭公司職員在屋企附近的Coffee Shop簽收文件，小公主快出世所以要請多個工人，職員將文件放滿枱面，再逐頁揭跟單文柔講解，她不斷點頭然後在文件上簽名，全程只需半個鐘就搞掂，然後單文柔拎住印有儲存臍帶血公司名的環保袋離開。

單文柔好留心聽職員講解，不時點頭示意明白。

單文柔聽完職員講解就簽文件，展鵬透露因為自己好忙，所以再請工人一事要老婆幫手。

一出門口，單文柔已急不及待跟展鵬傳訊息，兩人收發訊息頻率之密之快，其實為什麼不講電話呢？見陳太步速幾快，步伐亦好輕盈，屬於敏捷型大肚婆，可能因為這樣，所以她有點掉以輕心，邊行邊收發訊息，不夠一眼關七。

辦完正經事，單文柔一路行一路收發語音訊息，無乜留意周圍環境。

單文柔過馬路都Keep住發語音信息，可能見無車無為意，這樣地下有個窿仔，踩到都不好啦。

對於老婆行路掛住講電話一事，忙拍劇的展鵬抽空回覆，表示老婆心情好好，兩家長輩都好興奮等BB出世，並表示：「電話校咗震機長袋喺身，多謝大家關心。」至於老婆掛住講電話而不太看路，準爸爸就避談，只表示開心表示期待BB「小豬比」出世，多謝大家關心。

經典「紙戒指」求婚重現強攻網友集體回憶！

由劉家豪總監製、陳志江監製、岑國榮、孫浩浩擔任編審的《逆天奇案2》，本周一至周五晚八點半翡翠台播映結局篇。昨晚（6日）一集講到森Sir（陳展鵬飾）被陷害入獄後，阿Wing（林夏薇飾）前往探望；二人經歷過各種患難後，阿Wing終發現原來心底一直都放不低森Sir，她隔着玻璃向森Sir說：「你出返嚟之後，有件好重要嘅事要做，明明我成日叫你『同事』，原來有啲嘢係呃到人，但呃唔到自己，今次呢件事我發現我哋都唔可以冇咗對方，你心入面有我，我心入面都有你。我睇到你條路變得好難行，我好心痛，我想話畀你聽，我好想同你一齊行。」

「國民女友」 薇薇返嚟喇，佢向展鵬求婚！

薇薇同展鵬經歷咗咁多嘢後，終於發現自己其實放唔低展鵬。

薇薇喺展鵬最艱難時期都冇離棄佢不特止，仲調番轉頭向佢求婚，女友力Max！

紙戒指求婚靈感源自陳展鵬親身經歷
之後阿Wing戴上當年森Sir向她求婚的紙指戒，並說：「許浚森，你仲願唔願意娶我呀？我諗咗咁耐，鼓起咁大勇氣先敢向你求婚，你唔係諗住Say No呀嘛？」森Sir即說：「娶，我梗係娶你啦！」最後兩人隔着玻璃做出定情Finger Cross手勢，配以展鵬獻唱的插曲《後悔萬年》做背景音樂，浪漫指數爆標。上輯被封為「國民女友」的薇薇，昨晚一集大晒最強女友力，不單對陷入人生低谷的森Sir不離不棄，更主動向他求婚，絕對是患難見真情。而薇薇戴上紙戒指一幕，則引爆上輯森sir摺紙戒指向阿Wing求婚的浪漫集體回憶！其實紙戒指求婚情節靈感來自展鵬親身經歷，他曾經公開現實中亦是以紙戒指向太太單文柔求婚，相當浪漫。

冧豬指數爆標。

薇薇於笑臉跌出淚水呢個樣無敵！

網友諗番起上輯展鵬用紙戒指求婚一幕。

網友諗番起上輯展鵬用紙戒指求婚一幕。

「麻煩老爺」李龍基出招補鑊　黃智賢蔣祖曼婚事有轉機
另邊廂，Nic Sir（黃智賢飾）和Hazel（蔣祖曼飾）的關係亦有所進展！原本Hazel因Nic Sir爸爸福伯（李龍基飾）要求簽婚前協議書煞停婚事，來到結局篇，知衰的「麻煩老爺」福伯急急出招補鑊，與Nic Sir和Hazel吃飯時，透露睇相時被批印堂發黑將面臨劫數，借意催兩人結婚沖喜，講明不用再簽婚前協議之餘，更賣口乖謂：「我搞個龍捲風出嚟你哋都頂得順，一段感情經得起波折，一定打風都打唔甩！」Hazel聽畢態度明顯軟化，由「以後唔好同我提結婚兩個字」演變成「唔好提結婚住」，看來二人關係柳暗花明。

「麻煩老爺」李龍基出招補鑊。

再向黃智賢同埋蔣祖曼逼婚。

蔣祖曼態度明顯軟化，由「以後唔好同我提結婚兩個字」演變成「唔好提結婚住」，唔怪得黃智賢咁開心啦。