大家有無得著？
謝霆鋒成為首位在Google香港舉辦的「Talks at Google」演講的香港藝人，並分享分其演藝及創業之路。天后Lady Gaga、NBA華裔球星林書豪亦曾是「Talks at Google」的分享嘉賓。
霆鋒分享個人演藝及創業之路。
談及他擁有多重身份，如何可以專注做地做每一件事？霆鋒指，「我喺廚房學到嘅一樣嘢，就係time management！」佢以烹飪比喻：「當你要為2個人或4個人去煮兩道菜，係好容易，8個人，都可以，但要為10個人煮8道菜，而上菜嘅時候仲要熱嘅，特別係中國菜，就唔係咁容易。我係一個好八卦嘅人，我對好多嘢都好好奇，我會成日問點解？點樣？當我一開始專注一樣嘢嘅時候，我會鍥而不捨去鑽研，唔會被難題令我卻步，呢個係我嘅性格。」
霆鋒分享個人演藝及創業之路。
主持人亦提到他上一隻廣東碟於2005年推出、國語碟亦是10年前的事時，霆鋒搞笑地做出一個驚訝表情，並反問：「真係㗎？」，令全場即刻大笑。問到音樂上的計劃時，他表示，「真係冇特別去計劃，係順其自然，做唔同範疇嘅嘢有唔同好處，譬如有時股票會好過做房地產；有時做音樂會好過做電影。永遠唔會做一樣嘢係最好，如果個潮流好似浪，你捉到就會喺最高嘅位置。
2014年我做第一季《鋒味》，成為內地最大型嘅飲食節目，而家我哋做到第5季。因為捉到呢個浪，而家節目行得好穩定，我就有多啲嘅時間去做音樂。」佢又指，現時未必會出碟，但正在籌備演唱會，「而家個個都係做演唱會㗎啦。我哋係需要大啲嘅場地，不過仲未搵到地方。」
霆鋒分享個人演藝及創業之路。
最後，被問到用甚麼Keywords去形容自己的性格和成功的人生時，霆鋒則指，「Creativity（創意）、Synergy（協同力）、Resourcefulness（足智多謀），唔同嘅keywords可以用喺唔同嘅階段，不過如果我係貪心啲，我覺得每一個字都係我嘅keyword。」
霆鋒分享個人演藝及創業之路。
