收狂迷驚嚇禮物無覺好瞓 倦容張敬軒Shopping減壓

不但收到成人玩具，又被狂迷當是「虛擬老公」！

歌手張敬軒早前出席音樂節活動時，自爆曾收過fans好多千奇百怪露骨禮物，長期被「瘋粉」嚇親，攪到無覺好瞓，黑眼圈鬼咁深！日前下午，軒仔在男助手陪同下現身中環太子大廈一間高級寢具店，大手Shopping減壓之外，似乎想換過批新寢具，有個優質睡眠！

熟客仔 軒仔唔止一次幫襯呢間寢具店，店員熟悉佢品味，介紹款式。

軒仔近日自爆因驗到有6%越南血統，預告下半年將到越南考察，上周他真的飛嘞！不過不是去越南，目的地是法國。他前年成為「法國北歐大學榮譽商管博士」後，上年開了間法國餐廳，上星期完成音樂節後，隨即飛去法國為「法國五月」拍嘢，連日參觀酒莊、「食好西」等，成個樣靚仔又精神晒！同在香港時的殘樣差好遠，鬼咩！皆因平日軒仔在港壓力不知幾大，日前他自爆有不少狂粉，收過好多驚嚇禮物，連fans留言都令他「大開眼界」呀！

換埋牀褥 軒仔摸完又試坐吓身旁牀褥，然後問價錢，似乎幾有興趣。

軒仔苦笑說：「有一個粉絲send咗二百幾個message畀我，內容講到我哋好似一齊生活，搞到我都覺得自己好似經歷緊啲夫妻生活。而最驚嚇係收過一盒長髮，附有一封信，話我似佢已故男友，令我心情好忐忑。」講到收過最露骨禮物？軒仔更大笑說收過成人玩具，搞到他不敢再一個人拆禮物。

殘樣掃貨 當日軒仔無化妝又無gel頭，刻意將口罩拉近眼皮，仍遮掩唔到佢倦容及黑眼圈。

飛法國拍嘢

日前下午1時許，本報就發現軒仔戴上口罩現身中環一間高級寢具店大手Shopping減壓。話晒生活有品味的軒仔，大嗱嗱用廿萬月租位於薄扶林的歷史建築物玫瑰村，主人家都要買返點高級寢具，襯返間靚屋啦！無化妝又無gel頭的軒仔，拉高口罩遮素顏樣偕助手看東西。雖然口罩拉近眼皮，仍遮掩不到軒仔倦容，似幾日無瞓覺。在店內，軒仔先揀了幾條淨色毛巾，然後摸吓牀褥，似乎連牀褥都想換埋。之後，見他向店員查詢牀單、枕袋等顏色，又買多兩套牀冚。逗留廿分鐘，軒仔order埋大件產品，就簽單走人。軒仔離開時發現有記者，即禮貌揮揮手，其助手幫手拎戰利品隨後，兩人再急步落樓上車走人。

禮貌Say hi 雖然素顏樣曝光，但軒仔仍主動向記者揮手Say hi。

揼本MV 新歌《YOU》MV用了近七位數字拍攝，軒仔曾承諾若MV點擊率達二百萬，便會半裸跳舞。

出新歌會fans 日前，軒仔出席新歌《YOU》集郵日，同粉絲着肌肉衫大擺甫士。現場有逾百「忠粉」興奮見偶像。

出新歌會fans 日前，軒仔出席新歌《YOU》集郵日，同粉絲着肌肉衫大擺甫士。現場有逾百「忠粉」興奮見偶像。

由黎芷珊主持的《芷珊約您》昨晚（4月28日）播出一集嘉賓是張敬軒（軒仔），芷珊飛到紐約直擊軒仔的美國站巡唱。

巡唱圓滿結束後，芷珊與軒仔進行深度交流。入行廿年的軒仔，大談由當年隻身來港發展到今日成為香港樂壇頂流之一確實不容易，芷珊問軒仔入行多年犧牲了甚麼？軒仔坦言：「一個內地人嚟香港（發展），你會覺得你有咩唔好嘅新聞，會好似變咗一個內地人嘅典範（代表），好多因素令我覺得輸唔起。」軒仔續指為了保持靚聲，連最愛的酒都不敢多喝：「我要Keep住把聲仲唱到以前啲歌，咁呢啲就係平時生活上嘅約束。」

今集嘉賓係張敬軒。

今集嘉賓係張敬軒。

今集嘉賓係張敬軒。

軒仔嘅美國巡唱大受歡迎。

軒仔嘅美國巡唱大受歡迎。

問到未來十年的計劃，軒仔打算將多年來累積到的經驗與後輩分享：「用我哋捱過嘅苦頭去話畀佢哋聽捷徑喺邊度，呢啲係好好嘅傳播（傳承）。」芷珊問到現在的他快樂嗎？軒仔坦言：「快樂呀，行到42歲呢兩年係我人生最好嘅時候，我有自己團隊，無論做演唱會或者拍Youtube都有好反應，自己派嘅歌反應又好好，爸爸媽媽生活又安穩 ，自己想食嘅嘢又食得起，想去嘅地方又去得起，覺得人生好圓滿，但要Keep住落去係唔容易。」

軒仔大談未來10年大計，佢話希望將自己經驗分享畀後輩。

軒仔大談未來10年大計，佢話希望將自己經驗分享畀後輩。

芷珊還大膽向軒仔提問大家最想知道的感情事，42歲的軒仔坦言開始有想被人照顧的念頭，芷珊問到有否遇過適合的對象，軒仔想了良久後說：「（呢行）唔係好識到人係真嘅，同埋（我）唔係咁輕易畀人進入到我生命。」他又自認惡頂謂：「譬如有Potential成為情人嘅人，同一班Friend嚟到我屋企，會喺我屋企攞起啲嘢嚟睇睇，但係佢擺唔番啱個位，咁我就會行埋去擺番啱，咁就完咗喇。」芷珊向軒仔嚴刑迫供拍過幾次拖，軒仔說：「拖過一隻、半隻手仔咁啦，我係一個講將來嘅人，但一去到講將來標準就會唔同，我係冇『不如行吓睇吓點先啦』呢一種，我所有嘢都要Well Planned。」

芷珊逼供軒仔感情事，軒仔自爆生活習慣會嚇怕potential對象。

芷珊逼供軒仔感情事，軒仔自爆生活習慣會嚇怕potential對象。

問到有否真正愛過一個人？軒仔不諱言：「我覺得我係愛過，其實父母係影響咗我嘅感情觀，佢哋兩個係南轅北轍，佢哋到依家都係唔夾，我見到我媽嘅痛苦，嗰種矛盾到依家40幾年都係冇解決，佢哋到離開嗰一日都唔會解決得到，我唔可以畀我人生係咁。」軒仔直言如果遇到真愛便會退休：「如果我Commit得佢係我另一半，我會同佢Share人生最後嗰段時間。」

軒仔坦言受到父母「矛盾一生」影響，唔會輕易投入一段愛情。

軒仔坦言受到父母「矛盾一生」影響，唔會輕易投入一段愛情。

軒仔坦言受到父母「矛盾一生」影響，唔會輕易投入一段愛情。

節目尾聲，軒仔應芷珊要求爆了一個小秘密！軒仔透露2012年時突然有一天，十隻手指無故變黑，「點洗都洗唔到，仲要係入面黑出嚟，好似中咗毒咁！我係一個有疑病症嘅人，嗰時又有Depression，醫生朋友即刻安排我入私家醫院，所有嘢Check完都係正常。嗰6、7日我係人生第一次覺得，如果我突然間死咗，阿爸阿媽點呢？我打電話畀我身邊嘅人安排好晒啲嘢，之後突然之間發現，嗰排着緊嘅牛仔褲點解摸完之後（對手）愈嚟愈黑嘅？原來係條牛仔褲甩色，一條牛仔褲冇咗我10萬蚊，（為咗呢件事）整咗10萬蚊呀住院！」軒仔續指當時的「身後事」非常誇張：「我打電話畀Johnny Yim（著名音樂人），同佢講要做幾個Project，叫佢幫我編曲，如是者Johnny幫我整咗70首歌，嗰70首歌係舊歌翻唱，我就錄晒。雖然牛仔褲事件已經過咗去，但呢件事好似一個炸彈，如果我突然間走咗，我剩低嘅嘢係唔夠阿爸阿媽過生活。」

軒仔大爆烏龍「身後事驚魂」，一條牛仔褲搞到佢痛失10萬蚊！

軒仔大爆烏龍「身後事驚魂」，一條牛仔褲搞到佢痛失10萬蚊！

軒仔大爆烏龍「身後事驚魂」，一條牛仔褲搞到佢痛失10萬蚊！