吳若希不認當眾黑面介紹朋友助老公在港擴展家業

娛圈事

吳若希不認當眾黑面介紹朋友助老公在港擴展家業

2019年04月06日 18:50 最後更新：19:00

旺夫！

吳若希（Jinny）、區永權、胡敏珊等出席開幕活動，Jinny和老公何兆鴻（Alex）近日頻頻帶快將兩歲的囡囡Giselle到不同學校面試PN班，Jinny更被拍到在等候面試期間黑面，因老公只顧玩手機，但她表示在公眾場合很少黑面，至多是無表情，笑言回家才會黑老公面，並謂焦點都放在囡囡身上，已忘記當日發生甚麼事。Jinny謂已面試幾間幼稚園，有些已錄取Giselle，但她正等候最近屋企的一間回覆，才作決定。

Jinny又提到女兒出世後，和老公的話題圍繞著女兒。她指老公從澳門來港定居後，要重新認識新朋友，說：「老爺奶奶有間工廠主力造紙，我都有幫忙介紹朋友，聯絡一些餐廳，希望他的工作發展順利。（介紹成功有佣分嗎？）我分給他呀？一家人無分，我都希望他好。」

往下看更多文章

吳若希與老公肉緊啜囡囡面珠慶7歲生日激罕公開Giselle正面樣

2024年04月24日 20:00 最後更新：04月25日 12:01

Giselle與媽媽如餅印一樣

31歲吳若希（Jinny）於2017年與何兆鴻（Alex）結婚，並育有一女一子，Jinny亦都經常會在社交平台分享一家四口的相片，但一直將女兒Giselle（淼淼）保護得好好，幾乎沒有公開過她的正面樣。4月23日是Giselle的7歲生日，Jinnypo相為她慶生的同時，終於公開女兒相貌，與媽媽如餅印一樣！

近日Jinny在社交平台貼出慶祝女兒生日相片，她和老公一如以往左右夾擊啜囡囡面珠，並留言：「我真係唔知可以再啜到去幾多歲，今年已經啜到好似要打交咁。」激罕曝光Giselle正面，與媽咪吳若希如餅印一樣，Jinny寄語囡囡：「諗咗好耐應該同你講咩，喺你小時候，對你可能有好多期望，希望你開心，希望你快樂，希望你善良，希望你勇敢。但係漸漸地發現，我希望你做到嘅嘢，你全部都做到，有好多我唔expect你會做到嘅嘢，你都做到！睇住你慢慢進步，做媽咪嘅真係好安慰。」Jinny感歎時間過得很快，轉眼間，女兒已經七歲，「開始慢慢接觸外邊的世界，有自己嘅圈子同埋自己嘅諗法，媽媽會繼續做你嘅好朋友，隨時準備好耳仔，聽你分享你嘅生活同心情，媽媽愛你！」網民亦留言大讚：「家姐似足mama你大眼睛咁靚女」、「家姐好靚女，未來香港小姐，又遺傳媽咪咁高。」