揀男友要似爸爸陳瀅：陳家樂不能比較

娛圈事

揀男友要似爸爸陳瀅：陳家樂不能比較

2019年04月11日 23:33 最後更新：23:44

陳瀅話，家樂捱得又靚仔

陳瀅出席品牌活動時透露，有送過6位數字的手錶給爸爸做禮物，指爸爸是她的偶像，勤力工作又有型，媽媽就會送珠寶，但她指最錫婆婆，所以已送物業給婆婆，又說還未成為香港永久居民，暫時都未能在香港買樓。

問她揀男朋友是否要揀個像爸爸？她說：「對，有時和男仔出街都覺得對方欠了些甚麼，不像爸爸咁叻，爸爸到現在都未退休，所以我喜歡男仔以事業為重。（喜歡成熟男士？）都是，但年紀不要差太遠，最多10年。（細妳10年呢？）男仔不是睇年紀，可能思想成熟。」

講到緋聞男友陳家樂，陳瀅笑謂不能拿他與爸爸比較，因為他們的工作不同，爸爸做生意是商人，家樂工作時都很捱得又靚仔，相信他都很孝順。

往下看更多文章

陳瀅帶上新寵一起行山網民擔心「垂直揹起」導致愛犬有癱瘓風險

2024年05月02日 12:30 最後更新：12:35

陳瀅用的這款孭帶會使得Whiskey長期雙腳懸空的狀態，很容易傷及狗狗的脊椎，引大批網民留言提醒。

TVB小花陳瀅（Jeannie）向來是愛犬之人，家中養有3隻狗仔，包括「大佬」Diesel、「二哥」Baymax及「細佬」Kumo，而且3隻都相當有表演欲，先後參與過電視演出，近日陳瀅家中再添新成員臘腸狗Whiskey，她亦在社交平台曬出與新寵的合照，日前她更帶上Whiskey一起行山！

日前陳瀅分享多張行山照，並留言：「first hike with whiskey. 」陳瀅用寵物孭帶孭着愛犬Whiskey上山，之後又抱起Whiskey聞花，而Whiskey似乎對周圍環境都相當好奇，在山上放肆狂跑，又聞花食花，不少網民都大讚留言「so cute」！

但亦有人留意到陳瀅用的這款孭帶會使得Whiskey長期雙腳懸空的狀態，很容易傷及狗狗的脊椎，因此留言溫馨提醒：「臘腸狗本身腰長，用呢款打直嘅揹袋對所有狗狗脊椎骨都好傷，好易出現頸推移位，嚴重可以導致後肢癱瘓，要動手術先可復元」、「下次唔好用呢啲揹帶，垂直對臘腸條腰唔好，抱佢都盡量要打橫抱，抱埋佢後腳，如果唔係好傷佢腰椎」、「長身型嘅狗係特別要水平抱起，先唔會令佢哋脊骨受壓」、「有啲植物唔可以畀佢聞呀！」