社會事
什麼叫金玉其外，敗絮其中。
有網民於 Facebook 群組「西環變幻時」發帖，指日前在西環正街一個生果檔買一個榴槤，由於自己不懂得挑選，於是叫店員幫忙，最終店員為她挑選了售價100元的榴槤。
當樓主回家打開榴槤時，發現裡面只有三件榴槤果肉。（網上圖片）
當樓主回家打開榴槤時，發現裡面只有三件榴槤果肉，於是回到生果檔與店員理論，但對方堅持不會退貨，甚至理直氣壯：「你咪當我呃你囉！」樓主回憶指店員打開榴槤時的手法其實也很奇怪，先開出一條細小的窄縫，可能「發現無肉」，再開另一邊有果肉才向樓主展示。
當樓主回家打開榴槤時，發現裡面只有三件榴槤果肉。（網上圖片）
樓主感嘆今次經歷只能當買個教訓，表示下次買榴槤「一定要佢開晒四邊比你睇，唔係又中伏。」
有網民表示，若榴槤打開後發現無肉，很多生果檔都願意換貨，批評該生果檔做法無理。
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
