單是開車穩定一點都不chok，已經值得鼓掌！
下大雨又遇上放工繁忙時間，難免會較為心急。不過有網民就分享乘搭巴士時遇到好車長的經歷，令整車乘客都大感窩心！
網民在下雨天遇到窩心的巴士車長，令她很感動。網民Lamhiu Akatsuki截圖/網上圖片
網民Lamhiu Akatsuki在facebook群組「Tai Po 大埔」以「好人好事」為題發文，指昨日乘搭巴士時遇到一名好車長，令她與整車乘客覺得非常溫暖。網民指自己昨日在放工繁忙時段乘搭274X巴士回大埔，形容「再加落雨又冇帶遮真係好慘」，因為當時往觀塘方向遇上塞車，導致巴士未能趕回總站，令班次較疏，因此巴士車長多次呼籲乘客站進去一點，「請大家再企入少少希望下一個站盡量上多幾個乘客，因為大家收工都好想快啲返到屋企！」全車的乘客亦非常配合，令她覺得感動。
巴士客滿後，車長再次細心提醒乘客要站穩，更「再三確認要落車嘅乘客已經落曬車先閂門開車」，甚至擔心有乘客的手袋會不小心碰到八達通機而被扣錢，所以主動關掉八達通機，非常貼心。巴士抵達大埔後，車長又「確認所有要落車嘅乘客落曬車先再開車」，而開車前又提醒乘客要扶穩才開車。
該名網民盛讚車長是「巴士界清泉」，但對方只是謙稱是自己份內事，令不少乘客都讚不絕口。網民亦指車長溫暖了他們一整程車，她更稱讚車長的駕車技術好，「手車仲好穩定，一啲都唔chok」，更表示會寫信給九巴表揚姓徐車長。
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
